1 - principio.qxd

271 eritro-
mestura de tres alcaloides: ergocristina, ergocriptina e
ergocornina.
ergotropía s.f. Reacción das células a estímulos non
específicos para estimula-las defensas orgánicas xerais,
máis cá producción de anticorpos específicos.
Erichsen, enfermidade de V. enfermidade.
erina s.f. Aparello metálico con forma de gancho que se
emprega nas diseccións e operacións para coller, elevar,
separar ou soster partes. // E. de Marjolin Erina dobre
que se emprega na extracción das amígdalas.
Eriodyction Xénero de plantas hidrofiláceas. A E. californicum
úsase no tratamento das bronquites.
eriometría s.f. Técnica de medición do diámetro de fibras
diminutas utilizando o eriómetro, baseada no tamaño dos
aneis de cor producidos pola difracción da luz, usada na
medición do tamaño das hemacias.
erisífaco s.m. Aparello utilizado en oftalmoloxía para a
extracción total da catarata por medio da realización dun
baleiro.
erisipela s.f. Enfermidade aguda infecciosa causada por
Streptococcus Pyogenes e en raras ocasións por outros
estreptococos e por Staphylococcus aureus, afecta principalmente
a lactantes, nenos pequenos e anciáns, e caracterízase
pola inflamación superficial da pel, as mucosas e
os linfáticos cutáneos, xeralmente circunscrita na cara,
con tendencia a estenderse, e normalmente non deixa
secuelas ó sandar. // E. catamenial Forma leve de erisipela
que ten recorrencia nalgunhas mulleres durante a
menstruación, xeralmente circunscrita á cara. / E.
crónica V. erisipeloide. / E. farínxea V. anxina erisipelatosa.
/ E. flegmonosa A que se complica con supuración
do tecido celular subcutáneo. / E. maligna Erisipela
flegmonosa ou gangrenosa de curso grave. / E. pustulosa
A que cursa con vesículas purulentas. / E. serpixinosa A
que se vai estendendo por contigüidade ós tecidos
veciños. / E. vesiculosa A que cursa con formación de
vesículas e ampolas.
erisipeloide s.m. Dermatite infecciosa causada por Erysipelothrix
suis, que semella a erisipela pero sen presencia
de febre, afecta principalmente a persoas que tratan con
gando porcino, normalmente ocasiona poucas molestias
curando en tres semanas espontaneamente ou en menos
tempo co uso de antibióticos. Tamén se di enfermidade
de Baker-Rosenbach.
eritema s.m. Avermellamento da pel ou das mucosas
difuso ou en zonas limitadas, producido pola dilatación
conxestiva dos capilares, e que desaparece por vitropresión.
// E. crónico migratorio Lesión eritematosa ben
delimitada e única, conformada por unha banda de
eritema que se vai espallando, orixinado probablemente
por infección con rickettsias. / E. do neonato Eritema
difuso benigno que aparece en nenos de tres ou catro días
de vida desaparecendo sobre o décimo día. / E. elevatum
diutinum Forma de vasculite crónica infrecuente de etioloxía
descoñecida, cursa con pápulas, placas e nódulos
persistentes, de cor púrpura ou amarelada, con distribución
xeralmente simétrica arredor das articulacións. / E.
escarlatiniforme Erupción de forma semellante á da
escarlatina, con proído e descamación, pero sen sintomatoloxía
xeral. / E. exantemático Eritema difuso de aparición
brusca, xeralmente debido a infección por virus. / E.
infeccioso (quinta enfermidade exantemática) Exantema
benigno causado probablemente por enterovirus, que
xorde en forma epidémica na primavera e no verán. / E.
intertrixe Eritema situado nas grandes pregaduras da
pel, especialmente inguas, sobrazo e baixo as mamas
colgantes, causado pola fricción e maceración. / E.
marxinado Eritema anular localizado no tórax que xorde
na febre reumática / E. morbiliforme Forma con
máculas de cor pardo-avermellada, que rematan uníndose
e formando un eritema difuso, frecuente nas reaccións
medicamentosas. / E. multiforme V. eritema polimorfo.
/ E. nodoso Resposta de hipersensibilidade a diversos
procesos patolóxicos, que cursa con nódulos grandes
eritematosos con compoñente inflamatorio doloroso,
localizados preferentemente nas pernas, e de duración
limitada a semanas / E. perno Áreas de tumefacción
sobre as que aparecen zonas eritematocianóticas, que
xorden en dedos e dedas por exposición ó frío, cursando
con dor e proído intenso, e ás veces ulceración, comunmente
coñecido como frieira. / E. polimorfo Cadro reaccional
cutáneo de etioloxía descoñecida aínda que relacionado
con virus, medicamentos ou neoplasias, cursa
con lesións polimorfas en distintos pacientes, pero monomorfas
no mesmo individuo, podendo ser papulosas,
eritematosas, en escarapela ou herpes iris, e formas
ampolosas xeralmente máis intensas e con participación
de mucosas. Causan sensación de ardentía, sendo o brote
autolimitado a semanas, con recidivas e ritmo estacional,
(fin do inverno e comezo da primavera). / E. solar O
causado por exposición ó sol. / E. tóxico O causado por
axentes tóxicos externos. / E. xeneralizado Eritema de
distribución extensa.
eritemámetro s.m. Aparello usado para determina-la
sensibilidade da pel á luz solar.
eritemoide adx. Que semella un eritema.
eritemóxeno -a adx. Que produce eritema.
eritralxia s.f. 1. Avermellamento e dor ó mesmo tempo
dunha parte. 2. V. eritromelalxia.
eritrasma s.m. Dermatomicose localizada nas pregaduras
da pel, especialmente no sobrazo, e tamén na ingua e no
escroto, caracterizada por presentar unha placa ben delimitada
e máis ou menos extensa de cor avermellada e con
pouca sintomatoloxía, que é causada por fungos Microsporum
ou Nocardia minutissimum.
eritrina s.f. Alcaloide obtido de sementes de arbustos do
xénero Erythrina, que posúe unha acción semellante ó
curare.
eritrismo s.m. Coloración vermella do cabelo e a barba
en individuos de razas con pel escura.
eritro- Prefixo do gr. erythrós (vermello).