1 - principio.qxd

fibrila 318
lares Fibras que forman a capa media da zona arqueada
e pectinada do órgano de Corti do oído. / F. beta Fibras
do tacto e da temperatura de tipo A, con velocidade de
conducción de 30 a 70 m por sg e diámetro de 8 a 13 µ. /
F. coláxena Fibras brancas, brandas e flexibles que constitúen
o compoñente máis típico de tódolos tipos de
tecido conxuntivo. / F. colinérxica Fibra nerviosa motora
que na súa terminación libera ós espacios sinápticos unha
substancia semellante á aceticolina en resposta ós estímulos
nerviosos. / F. de Burdach Fibras nerviosas
conectadas co núcleo de Burdach. / F. de Goll Fibras
nerviosas que partindo do núcleo de Goll conectan este
co vermis cerebeloso. / F. de Gottstein Fibras nerviosas
que forman parte da expansión do nervio auditivo na
cóclea. / F. de Gratiolet Fibras radiantes que van dende
o centro óptico no lobo occipital ó corpo xeniculado
lateral. Denomínanse tamén radiacións de Gratiolet. / F.
de Herxheimer Fibras espirais de pequeno tamaño localizadas
no estrato mucoso da pel. / F. de Meynert Fibras
nerviosas que transmiten as sensacións luminosas dende
os colículos superiores ó núcleo oculomotor. / F. de
Purkinje Fibras musculares cardíacas que forman unha
rede no tecido subendotelial dos ventrículos e transmiten
o impulso de despolarización que chega dende as aurículas.
/ F. de Reissner Fibra libre no conducto central da
medula espiñal. / F. de Remak Fibras nerviosas amielínicas.
/ F. de reticulina Fibras arxentófilas do tecido
conxuntivo que forman a armazón reticular do tecido
linfoide e mieloide e no tecido intersticial dos órganos
linfoides. Denomínanse tamén f. reticulares. / F. elásticas
Fibras de propiedades elásticas que atravesan a
substancia intercelular do tecido conxuntivo. / F.
estriadas Fibras musculares propias dos músculos voluntarios
e do miocardio. / F. gamma Fibras que innervan as
fibras intrafusais do fuso muscular e que conducen
sensacións de tacto e de presión a unha velocidade de 15
a 40 m por sg, cun diámetro de 3 a 7 µ. / F. grises Fibras
nerviosas amielínicas que se presentan principalmente
nos nervios simpáticos. / F. lisas Fibra muscular carente
de estrías propia dos músculos da vida vexetativa. / F.
mielínicas ou meduladas Fibras nerviosas nas que o seu
cilindroeixe está rodeado dunha capa de mielina máis
grosa cá das amielínicas. / F. motora Fibras dos nervios
mixtos que transmiten impulsos motores. / F. musculares
Elemento anatómico que constitúe o músculo. Distínguense
dous tipos diferentes: fibras musculares estriadas
e fibras musculares lisas. / F. nerviosas Prolongacións
delgadas das neuronas, especialmente os axons, que
conducen impulsos nerviosos centrifugamente. Distínguense
dous tipos dependendo da cantidade de mielina
que posúan: fibras nerviosas mielínicas e amielínicas. / F.
nerviosas de asociación Fibras nerviosas que conectan
unhas partes con outras do córtex cerebral dentro dun
hemisferio. / F. piramidais Fibras nerviosas da mobilidade
voluntaria que forman o sistema piramidal. / F.
posganglionares Fibras nerviosas que forman as
neuronas posganglionares, conectando os ganglios
simpáticos coas vísceras. / F. preganglionares Fibras
nerviosas que forman as neuronas preganglionares,
conectando o ganglio simpático coa medula espiñal. / F.
radiculares Fibras nerviosas localizadas nas raíces dos
nervios raquídeos. / F. reticulares V. f. de reticulina. / F.
somáticas Fibras nerviosas que estimulan o músculo
somático e os tecidos somáticos. / F. vasomotoras Fibras
nerviosas amielínicas que innervan principalmente os
músculos arteriolares.
fibrila s.f. Fibra ou filamento de pequeno tamaño.
fibrilación s.f. Contracción muscular local, involuntaria
e de pequena intensidade, non visible na superficie
corporal, que é o resultado da activación espontánea de
células musculares ou fibras musculares illadas. // F.
auricular Arritmia auricular caracterizada por unha actividade
rápida e incoordinada da aurícula cunha
frecuencia superior habitualmente a 350 contraccións por
minuto, que no ECG se manifesta como ondas irregulares,
de morfoloxía, duración e voltaxe variable, e
resposta ventricular tamén frecuentemente irregular,
dependendo da frecuencia de estimulación e da existencia
ou non dun bloqueo aurículo-ventricular. / F.
ventricular Actividade rápida e incoordinada dos ventrículos
cunha frecuencia variable de 150-500 contraccións
por minuto, que no ECG aparece como ondas ventriculares
irregulares, de morfoloxía, duración e voltaxe
variables, sendo incompatible o seu mantemento coa
vida.
fibrina s.f. Proteína insoluble que se forma pola acción
proteolítica da trombina sobre o fibrinóxeno no proceso
de coagulación normal do sangue.
fibrinación s.f. Formación dunha cantidade anormalmente
grande de fibrina.
fibrinasa s.f. Factor XIII da coagulación. V. factor.
fibrinemia s.f. Presencia de fibrina no sangue. Tamén se
di inosemia.
fibrinocelular adx. Que está formado por unha combinación
de fibrina e células.
fibrinoide adx. 1. Semellante á fibrina. // s.m. 2. Substancia
homoxénea, eosinófila e refrinxente que posúe
algunha das propiedades de tinguidura da fibrina.
fibrinólise s.f. Disolución enzimática da fibrina.
fibrinolisina s.f. V. plasmina.
fibrinopenia s.f. Diminución do fibrinóxeno no sangue.
fibrinopéptido s.m. Substancia que se produce pola
acción da trombina sobre o fibrinóxeno durante a coagulación
do sangue.
fibrinopurulento -a adx. Que está formado de fibrina e
pus.
fibrinoxenemia s.f. Exceso de fibrinóxeno no sangue.
fibrinoxénico -a adx. Que produce ou orixina fibrina.
fibrinóxeno s.m. Glicoproteína plasmática de alto peso
molecular sintetizada no fígado. Intervén no proceso de