1 - principio.qxd

metafase 470
metafase s.f. Período da división mitótica localizado
entre a profase e a anafase. Nela ten lugar o desdobramento
dos cromosomas no plano ecuatorial.
metafisario -a adx. Relativo ás metáfises dos ósos
longos ou que se localiza nelas.
metáfise s.f. Porción dos ósos longos que forma a zona de
unión entre a diáfise e a epífise.
metagonimíase s.f. Infestación intestinal con vermes
trematodos do xénero Metagonimus.
Metagonimus Xénero de vermes trematodos que parasitan
os peixes de auga doce en diversas zonas da terra.
Poden parasita-lo intestino humano.
metagripal adx. Dos fenómenos físicos que ocorren
inmediatamente despois dun episodio de gripe e se relacionan
co mesmo.
metahemoglobina s.f. Producto derivado da oxidación
incompleta da hemoglobina. A metahemoglobina en
pequenas cantidades constitúe un elemento normal do
sangue. O aumento da cantidade desta substancia por riba
das cifras normais, produce hipoxia tisular, ó non ser
reversible a súa unión co osíxeno.
metahemoglobinemia s.f. Presencia de cifras anormalmente
elevadas de metahemoglobina no sangue.
metahemoglobinuria s.f. Presencia de metahemoglobina
na urina.
metainfectivo -a adx. Dos fenómenos físicos que
ocorren inmediatamente despois dun proceso infeccioso
e relacionados co mesmo.
metal s.m. 1. Elemento químico caracterizado por unha
forte conductividade térmica e eléctrica, un brillo especial,
maleabilidade e tendencia á formación de ións. 2.
Calquera material formado por estes elementos químicos
ou por unha mestura ou aliaxe dos mesmos.
metalización s.f. Tratamento ou impregnación con
metais.
metalofobia s.f. Temor morboso ó contacto cos metais.
metaloide s.m. Antigamente, elemento químico non
metálico, especialmente elementos como o fósforo ou o
xofre, que dan óxidos ácidos.
metaloproteína s.f. Proteína composta que posúe un
metal como grupo prostético.
metalose s.f. Denominación xeral dos estados patolóxicos
caracterizados pola intoxicación con metais.
metámera s.f. Segmento primitivo embrionario derivado
do mesoderma que se divide dorsalmente en bloques
regulares desde a cabeza á cola. Tamén de si somita.
metamería s.f. 1. División primitiva do mesoderma, a
ambos lados da corda dorsal, en metámeras ou segmentos
primitivos. 2. Característica daquelas especies que
posúen un corpo dividido en metámeras. // M. cutánea
División da superficie da pel segundo os segmentos
correspondentes á innervación dun par cranial ou dun
nervio raquídeo.
metamérico -a adx. Relativo ás metámeras ou á metamería.
metamielocito s.m. Célula precursora da serie granulocítica
na que se inicia o polimorfismo nuclear, evolutivamente
posterior ós mielocitos e anterior ós leucocitos
granulares maduros.
metamorfopsia s.f. Alteración visual caracterizada pola
percepción anormal do tamaño ou a forma dos obxectos.
metamorfose s.f. 1. Transformación que sofre un insecto
ó pasar do seu estado larvario ó de ninfa e deste ó de
imago. 2. Cambio de forma dun individuo, producido
despois da súa saída dun ovo e que constitúe unha das
etapas do seu desenvolvemento normal. 3. Cambio de
forma, carácter ou estructura que experimenta un organismo
ou unha cousa calquera.
metanefros s.m. Órgano excretor embrionario definitivo,
que constitúe posteriormente o ril permanente dos mamíferos
adultos.
metanémico -a adx. Dos fenómenos físicos que ocorren
con posterioridade a un estado anémico e relacionados co
mesmo.
metanfetamina s.f. Droga adrenérxica do grupo das
fenilaminas e derivada da fenilisopropilamina ou anfetamina.
Posúe acción estimulante do sistema nervoso
central, b-adrenérxica cardíaca, aínda que é depresora
cardíaca a altas doses, vasoconstrictora periférica e estimulante
do centro respiratorio, polo que aumenta a
frecuencia e amplitude dos movementos respiratorios.
Utilízase no tratamento do déficit de atención infantil e
como substancia anoresíxena nalgúns réximes dietéticos.
metano s.m. Hidrocarburo saturado de fórmula CH 4
que
se orixina durante a descomposición por fermentación
das materias orgánicas (gas natural ou gas dos pantanos)
ou por pirólise (gas da iluminación, gas das refinerías).
metanol s.m. Alcohol metílico, de fórmula CH 3
OH, que
constitúe o prototipo dos alcohois.
metanúcleo s.m. Núcleo ovular despois da súa exclusión
da vesícula xerminativa.
metapirético -a adx. Dos fenómenos fisícos que ocorren
despois dun espisodio de febre e relacionados co mesmo.
metaplasia s.f. Cambio no tipo das células adultas dun
tecido cara a outro tipo non normal no devandito tecido.
metaplasma s.m. Partículas inorgánicas incluídas no
protoplasma celular.
metaplexo s.m. Plexo coroideo pertencente ó cuarto
ventrículo.
metapneumónico -a adx. Dos fenómenos físicos que
suceden despois dunha pneumonía e relacionados coa
mesma.