1 - principio.qxd

moxifasia 490
ciación dun determinado fonema dun idioma estranxeiro,
por non posuílo o idioma nativo.
moxifasia s.f. V. moxiartria.
moxigrafía s.f. Cambra ou espasmo dos escribentes,
espasmo isquémico doloroso dos músculos da man
producido ó escribir durante un certo tempo.
moxilalia s.f. V. moxiartria.
MSH Sigla da melanotropina ou hormona estimulante dos
melanocitos.
mucedina s.f. Proteína amorfa presente no glute do trigo.
mucicarmín s.m. Colorante utilizado para tingui-la
mucina.
múcico (ácido) s.m. Ácido galactárico, diácido que se
obtén como producto da oxidación enérxica da galactosa
ou de calquera hidrato de carbono que a conteña.
mucífero -a adx. Do que segrega moco.
mucilaxe s.f. 1. Substancia vexetal viscosa coagulable
polo alcohol, semellante á goma, que se atopa especialmente
nas rosáceas e nas leguminosas, onde actúan
retendo a auga de reserva, principalmente nas plantas
graxas. 2. En farmacia, preparación máis ou menos
mesta, a consecuencia da presencia nela de gomas ou
outras substancias de orixe natural, que se manteñen na
auga en semisolución. Utilízanse para liga-los principios
activos nas pílulas ou comprimidos, para emulsionar
aceites ou resinas e para manter en solución substancias
insolubles. Algunhas mucilaxes posúen propiedades
como laxantes suaves.
mucilaxinoso -a adx. Semellante ó á mucilaxe ou que
posúe as súas propiedades.
mucina s.f. Substancia composta por unha mestura
complexa de mucopolisacáridos, presente en diversas
segregacións corporais, como o cuspe, as segregacións
mucosas, a bile, o líquido sinovial, a xelatina de Wharton,
os mixomas e nalgúns líquidos patolóxicos.
mucinase s.f. Enzima que provoca a coagulación do
moco.
mucinemia s.f. Presencia de mucina no sangue.
mucinoblasto s.m. Célula primitiva indiferenciada
proxenitora das células mucosas.
mucinose s.f. Doenza caracterizada polos depósitos anormais
de mucina na pel.
mucinoso -a adx. Semellante á mucina.
mucinuria s.f. Presencia de mucina na urina.
mucíparo -a adx. Que produce ou segrega moco. Tamén
se di mucíxeno.
mucite s.f. Inflamación dunha membrana mucosa.
mucíxeno -a adx. V. mucíparo.
mucocartilaxe s.f. Cartilaxe branda caracterizada por
esta-las súas células mergulladas nunha matriz mucoide.
mucocele s.m. 1. Tumor constituído por moco. 2. Avultamento
producido pola dilatación do saco lacrimal.
mucocito s.m. Célula constituínte dos tecidos mucosos.
mucocutáneo -a adx. Relativo a unha mucosa e a pel ou
composto por mucosa e pel.
mucoepidermoide adx. Composto por células productoras
de moco e células epiteliais.
mucofibroso -a adx. Composto por tecido fibroso e
mucoso.
mucogastrite s.f. Inflamación da mucosa das paredes do
estómago.
mucoide adx. Semellante ó moco.
mucolipidose s.f. Enfermidade metabólica producida por
almacenamento lisosómico, na que se acumula unha
combinación de mucopolisacáridos, glicoproteínas,
oligosacáridos e glicolípidos. Comprende tres enfermidades,
clasificadas como mucolipidose I, II e III, das que
a mucolipidose I probablemente sexa en realidade unha
enfermidade específica por almacenamento de glicoproteínas.
mucolisina s.f. Variedade de lisina que produce a disolución
do moco.
mucolítico -a adx. Que posúe unha acción destructora do
moco.
mucomembranoso -a adx. Das estructuras membranosas
que posúen un carácter mucoso.
mucómetra s.m. Distensión da cavidade uterina producida
por unha acumulación de moco.
mucopericondrio s.m. Pericondrio que ten unha superficie
mucosa, como o existente no tabique nasal.
mucoperiósteo s.m. Periósteo que ten unha superficie
mucosa, como o que existe nalgunhas porcións do
aparello auditivo.
mucopolisacaridase s.f. Enzima que cataliza a hidrólise
dos mucopolisacáridos.
mucopolisacárido s.m. Polisacárido complexo que
contén hexosamina na súa molécula. Divídense en mucopolisacáridos
ácidos e neutros. Comprenden o heparansulfato,
o dermatansulfato e o queratansulfato.
mucopolisacaridose s.f. Grupo de enfermidades metabólicas
producidas por unha deficiencia dos enzimas que
interveñen na degradación das tres clases existentes de
mucopolisacáridos: heparansulfato, dermatansulfato e
queratansulfato. Clinicamente presenta un fenotipo
característico, con trazos rudos da cara, opacidade
corneal, hepatosplenomegalia, rixidez articular, presencia
de hernias, disostose múltiple, eliminación urinaria de
mucopolisacáridos e tinguidura metacromática dos
leucocitos e da medula ósea. O diagnóstico baséase nos
estudios enzimáticos. Comprende unhas sete enfermidades
que se clasifican como mucopolisacaridose IH, IS,
II, III A, III B, III C, IV, VI e VII.