1 - principio.qxd

adaquia 12
cor e neutros e control da iluminación para demostra-la
adaptabilidade do ollo á cor ou á luz.
adaquia s.f. Falta de oclusión dental.
adarticulación s.f. Diartrose.
adaxil adx. Cara a un eixe ou situado sobre un ou outro
lado dun eixe.
addisonismo s.m. Grupo de síntomas moi semellantes ós
típicos da enfermidade de Addison.
adducción s.f. Aducción
adducens oculi s.m. Músculo recto interno do ollo ou
rectus medialis.
adductor s.m. Aductor.
adefaxia s.f. 1. Gula, fame insaciable. 2. Bulimia.
adelfia s.f. Monstruosidade caracterizada pola unión de
dous corpos pola súa parte superior e separación das
partes inferiores.
adelfotaxia s.f. Tendencia das células móbiles a dispoñerse
en posicións definidas.
adelgazador-a adx. Que adelgaza.
adelgazamento s.m. Acto ou efecto de adelgazar.
adelgazar v. 1. Facer ou poñer delgada algunha cousa ou
persoa. 2. Purificar, depurar algunha cousa. 3. Enfraquecer,
poñerse delgado, diminuí-las carnes.
adelomorfo-a adx. De forma non claramente definida.
aden-, adeno- Prefixos do grego coa significación de
glándula, ganglio.
adenalxia s.f. Dor dunha glándula ou dun ganglio. Tamén
se di adenodinia.
adenase s.f. Enzima que se forma no bazo que converte a
adenina en hipoxantina.
adenastenia s.f. Actividade glandular ou ganglionar deficiente.
// A. gástrica. Segregación glandular deficiente
do estómago.
adéndrico-a adx. Que non ten dendritas. Tamén se di
adendrítico.
adendrítico-a adx. Adéndrico.
adenectomía s.f. 1. Extirpación cirúrxica dunha glándula
ou ganglio. 2. Escisión de tumores de natureza adenoide.
adenectopía s.f. Situación dunha glándula ou ganglio
fóra da súa posición normal.
adenia s.f. Crecemento intenso e crónico dos ganglios
linfáticos. V. enfermidade de Hodgkin, linfoma, pseudoleucemia.
// A. leucémica. Adenia con estado leucémico
do sangue. Tamén se di linfadenia.
adeniforme adx. Que semella a un ganglio ou unha glándula.
Tamén se di adenoide.
adenilciclase s.f. Sistema enzimático que, a partir do
ATP, forma AMP cíclico, localizado na membrana celular
do fígado e do músculo, que constitúe un importante
sistema biolóxico polo que inician ou fan os seus efectos
moitas hormonas.
adenilo s.m. Radical contido na adenina.
adenina s.f. C 5
H 5
N 5
. Base cristalina, branca, 6-aminopurina,
que se presenta en diversos tecidos animais e vexetais
ó constituí-la base purínica do DNA e RNA.
adenite s.f. Inflamación dun ganglio, grupo ganglionar ou
glándula. // A. aguda infecciosa epidémica. Mononucleose
infecciosa. Tamén se di febre ganglionar de
Pfeiffer. / A. cervical. Estado caracterizado polo
aumento, inflamación e dor dos ganglios linfáticos do
pescozo, que se observa nalgunhas enfermidades infecciosas
dos nenos, por exemplo as infeccións agudas da
farinxe. / A. equina. Infección contaxiosa dos equinos
producida polo Streptococcus Equi. / A. flegmonosa.
Inflamación dun ganglio ou glándula e do tecido celular
circundante. Tamén se di adenoflegmón e linfadenite
flegmonosa. / A. salival aguda. Infección epidémica
observada na rexión de Nápoles, caracterizada por inflamación
das glándulas salivares, esplenomegalia e
adenalxia axilar. / A. tropical. Linfogranuloma venéreo,
bubón climático. / A. universal. Induración xeneralizada
dos ganglios linfáticos na sífilis primaria. / A. vulvovaxinal.
Bartholinite.
adenización s.f. Adquisición de aspecto glandular ou
ganglionar, dexeneración adenoide.
adenoacantoma s.m. Tumor composto de elementos
glandulares e escamosos.
adenoblasto s.m. 1. Célula con función secretoria ou
glandular. 2. Célula embrionaria da que deriva o tecido
glandular ou ganglionar.
adenocancroide s.m. Adenoacantoma
adenocarcinoma s.m. Adenoma maligno ou cancro.
Tamén se di carcinoma adenomatoso.
adenocele s.f. Tumor quístico de orixe glandular. Tamén
se di adenoma.
adenocelulite s.f. Inflamación dun ganglio ou glándula e
do tecido celular que os rodea.
adenocistoma s.m. Adenoma no que a retención da
segregación glandular determina a formación de quistes.
Tamén se di cistadenoma.
adenocito s.m. Célula secretoria adulta dunha glándula.
adenocondroma s.m. Adenoma combinado con condroma.
adenocondrosarcoma s.m. Tumor que contén elementos
de adenoma, condroma e sarcoma.
adenodiastase s.f. 1. Separación anormal dunha glándula
en partes distintas. 2. Desprazamento dunha glándula ou
ganglio.
adenodinia s.f. Adenalxia.