1 - principio.qxd

sumación 734
sumación s.f. 1. Reforzo da actividade muscular ou
nerviosa, pola acción dun maior número de unidades
contráctiles ou conductoras, ou ben pola repetición do
estímulo. No primeiro caso fálase de sumación espacial,
no segundo caso, de sumación temporal. 2. Potenciación
dos efectos producidos por dous ou máis fármacos, de
xeito que a súa acción combinada equivale á suma das
accións individuais.
sunamitismo s.m. Sistema xeriátrico que se basea en
fomenta-lo trato das persoas anciás con xente nova.
suor s.f. Producto da secreción das glándulas sudoríparas
da pel. A suor é un líquido claro e de sabor salgado,
formado principalmente por auga e unha pequena proporción
(1%) de substancias sólidas: sales, sobre todo de
sodio, ácidos graxos, colesterina, urea e outros
compostos. A reacción é alcalina ou ácida segundo as
distintas rexións do corpo. // S. colicuativa Suor copiosa
e extenuante dos últimos períodos da tuberculose. / S.
fría Suor que se observa en certos estados emocionais ou
de anoxia. / S. miliar Suor eritematosa caracterizada pola
aparición na pel de vesículas miliares, cheas dun líquido
claro. Tamén se di febre miliar. / S. nocturna Sudación
durante o sono, que é síntoma frecuente de enfermidades
infecciosas, como a tuberculose, brucelose, etc. / S.
sanguínea Hematidrose.
suorento-a adx. Que súa moito ou que é propenso a
facelo.
supedáneo-a adx. Da planta dos pés.
super- Prefixo do latín que significa exceso ou posición
superior.
superabducción s.f. Abducción excesiva.
superacidez s.f. Acidez excesiva. Tamén se di hiperacidez.
superactividade s.f. Hiperactividade, hipercinesia.
superalbuminose s.f. Formación excesiva de albumina.
Tamén se di hiperalbuminose.
superalcalinidade s.f. Alcalinidade excesiva. Tamén se
di hiperalcalinidade.
superalimentación s.f. Sobrealimentación.
supercarbonato s.m. Bicarbonato.
superciliar adx. Da rexión da cella.
supercilium s.m. (lat.) Cella.
superdistensión s.f. Distensión excesiva. Tamén se di
hiperdistensión.
superego s.m. Na psicanálise, parte inconsciente da
personalidade que controla as actividades conscientes. O
superego é unha especie de censura que inspira o sentimento
neurótico de culpabilidade e de autocastigo, pois é
a instancia represora, o soporte de tódalas prohibicións e
de tódalas obrigacións sociais e culturais.
superfecundación s.f. Fecundación de dous ou máis
óvulos durante o mesmo período menstrual, por espermatozoides
procedentes dun mesmo individuo ou de
individuos distintos.
superfetación s.f. Fecundación de dous ou máis óvulos
correspondentes a distintos períodos menstruais, ou
tamén fecundación dun óvulo nunha muller embarazada.
superficial adx. 1. Relativo á superficie. 2. Pouco
profundo.
superficie s.f. Parte externa ou límite exterior dun corpo.
// S. articular Parte dos ósos revestida de cartilaxe, que
entra en contacto nas articulacións. / S. axial Superficie
dun dente paralela ó eixe maior. / S. bucal, labial ou
lingual Superficie dental que mira cara á fazula, labios
ou lingua, respectivamente. / S. de contacto Cara dun
dente que está en contacto con outro do mesmo arco
dentario. / S. distal ou proximal Superficie de contacto
dun dente que mira ó que lle segue ou ó que lle precede,
respectivamente. / S. oclusal Superficie de mastigación
dos molares. / S. respiratoria Conxunto de superficies
dos alvéolos pulmonares. / S. tentorial Porción do
cerebro en contacto coa tenda do cerebelo.
superflexión s.f. Flexión excesiva. Tamén se di hiperflexión.
superimpregnación s.f. 1. Superfecundación ou superfetación.
2. Ingreso de máis dun espermatozoide no
óvulo. Tamén se di polispermia.
superinfección s.f. Nova infección contraída por un individuo
que xa estaba anteriormente infectado e non
curado. É unha complicación do proceso inicial de curación.
superinvolución s.f. Exceso de involución que pode
sufri-lo útero despois do parto, quedando dun tamaño
inferior ó habitual.
superior adx. Do que está máis alto respecto doutra
cousa.
superlactación s.f. 1. Secreción excesiva de leite. 2.
Lactación excesivamente prolongada.
superletal adx. Superior á dose de droga letal mínima.
supermicroscopio s.m. Microscopio electrónico que
proporciona aumentos superiores a 1200 diámetros.
supermobilidade s.f. Mobilidade excesiva dun órgano
ou parte.
supernumerario-a adx. Que existe en número superior
ó normal. Xeralmente trátase de órganos ou estructuras
de carácter malformativo.
supernutrición s.f. Nutrición excesiva ou sobrealimentación.
superolateral adx. Situado na parte superior e lateral.
superovulación s.f. Aceleración extraordinaria da ovulación.
superparasitismo s.m. Infestación con máis parasitos
dunha especie dos que o hóspede pode soportar en condi-