1 - principio.qxd

287 espleniforme
espirituoso -a adx. Relativo ás bebidas que teñen unha
ampla proporción de alcohol na súa composición.
espiro- Prefixo do gr. speîra (rolo, espiral), utilizado na
formación de palabras que denotan formas espiroidais.
espirobacteria s.f. Bacteria espiral, espiroqueta, espirilo
ou vibrión.
espirografía s.f. Rexistro gráfico das medidas do fluxo
respiratorio, que se obtén durante unha manobra de expiración
forzada, mediante a utilización dun espirógrafo.
espirógrafo s.m. Aparello utilizado para rexistrar graficamente
os fluxos respiratorios durante a realización das
espirografías.
espirograma s.m. Trazado gráfico que se obtén na realización
dunha espirografía.
espiroide adx. Que ten forma semellante a unha espiral.
espiroma s.m. V. espiradenoma.
espirometría s.f. Medición mediante un espirómetro dos
volumes e capacidades do aparello respiratorio dun individuo,
coa finalidade de avalia-la súa función ventilatoria.
espirómetro s.m. Aparello utilizado na determinación da
función ventilatoria dun individuo durante a realización
dunha espirometría.
espiromonas s.f. V. spiromonas.
espironolactona s.f. Substancia esteroide antagonista
por un mecanismo competitivo da acción da aldosterona
nos túbulos contornados distais do ril, feito que produce
un aumento na eliminación urinaria de sodio e auga e
unha diminución na eliminación de potasio, polo que se
denomina “diurético aforrador de potasio”, usándose
combinado con outros diuréticos coa finalidade de
contrarresta-lo efecto eliminador de potasio destes
últimos.
espiroqueta s.f. Bacteria espiral ou ondulada de parede
fina e flaxelos axiais internos (endoflaxelos), que posúe
unha gran mobilidade e avanza rotando sobre o seu eixe
lonxitudinal, con metabolismo aerobio ou anaerobio
facultativo. Constan de tres xéneros patóxenos para o
home e para moitos animais: Leptospira, Borrelia e
Treponema.
espiroquetemia s.f. Presencia de espiroquetas no
sangue.
espiroquetose s.f. Enfermidade producida por espiroquetas.
espiroqueturia s.f. Eliminación de espiroquetas pola
urina.
espiroscopio s.m. Aparello destinado ó estudio dos
movementos respiratorios e a capacidade pulmonar.
espirro s.m. Esbirro.
esplancnectopía s.f. Desprazamento anómalo dunha
víscera desde a súa situación normal.
esplancnenfraxe s.f. Obstrucción dunha víscera, principalmente
o intestino.
esplancnicectomía s.f. Sección dunha porción do nervio
espláncnico.
espláncnico -a adx. 1. Relativo ás vísceras. // s.m. 2.
Nervio (espláncnico maior e espláncnico menor), con
función vasomotora no territorio do ganglio celíaco,
plexo celíaco e plexo renal.
esplancnicotomía s.f. Sección do nervio espláncnico.
esplancno- Prefixo do gr. splágchnon (vísceras,
entrañas).
esplancnoapófise s.f. Calquera elemento do esqueleto
que estea en conexión co tubo dixestivo.
esplancnodiastase s.f. Separación ou desprazamento
dunha víscera.
esplancnodinia s.f. Dor de localización visceral, principalmente
no abdome.
esplancnografía s.f. 1. Anatomía descritiva das vísceras.
2. Radiografía dos territorios espláncnicos.
esplancnólito s.m. Cálculo localizado nunha víscera
calquera.
esplancnomegalia s.f. Aumento anómalo do tamaño
dunha víscera.
esplancnopatía s.f. Doenza visceral.
esplancnoptose s.f. Prolapso dunha víscera calquera.
Tamén se di visceroptose, enfermidade de Glenard.
esplancnosclerose s.f. Esclerose das vísceras.
esplancnosqueleto s.m. Porción do esqueleto que está
en contacto directo coas vísceras, especialmente as partes
óseas que nalgúns animais entran a formar parte de certos
órganos.
esplancnotomía s.f. Disección das vísceras.
esplen- ou espleno- Prefixo do gr. splén-enos (bazo).
esplenadenoma s.m. Hiperplasia linfoide ou adenoma
do bazo.
esplenalxia s.f. Dor localizada no bazo. Tamén se di
esplenodinia.
esplenatrofia s.f. Atrofia do bazo.
esplenauxa s.f. V. esplenomegalia.
esplenectasia s.f. Distensión do bazo.
esplenectomía s.f. Extirpación total ou parcial do bazo.
esplenectopía s.f. Desprazamento do bazo da súa posición
normal.
esplenemia s.f. Conxestión do bazo.
esplenhepatite s.f. Inflamación do bazo e do fígado.
esplénico -a adx. Relativo ó bazo.
espleniforme adx. Que ten aspecto semellante ó bazo.