1 - principio.qxd

801 uretrobulbar
ureteroenterostomía s.f. Implantación cirúrxica do
uréter no intestino.
ureteroflegma s.f. Presencia de moco no uréter.
ureterografía s.f. Radiografía do uréter.
ureterohidronefrose s.f. Hidronefrose que afecta a
parte superior do uréter.
ureterointestinal adx. Relativo ou pertencente ó uréter e
ó intestino.
ureterólise s.f. 1. Rotura do uréter. 2. Liberación cirúrxica
das adherencias ureterais.
ureterolitíase s.f. Formación ou presencia de cálculos no
uréter.
ureterólito s.m. Cálculo do uréter.
ureterolitotomía s.f. Extracción de cálculos ureterais
mediante diérese.
ureteronefrectomía s.f. Extirpación cirúrxica do ril e o
uréter correspondente.
ureteroneocistostomía s.f. Implantación cirúrxica do
extremo dos uréteres noutro punto da vexiga.
ureteroneopielostomía s.f. Sección cirúrxica dun uréter
e posterior implantación noutra porción da pelve renal.
ureteropielite s.f. Inflamación do uréter e da correspondente
pelve renal.
ureteropielografía s.f. Pielografía.
ureteropielonefrite s.f. Inflamación do uréter, pelve
renal e ril.
ureteropieloneostomía s.f. Ureteroneopielostomía.
ureteropiose s.f. Inflamación supurativa do uréter.
ureteroplastia s.f. Cirurxía plástica do uréter, especialmente
a que se realiza para corrixi-la súa estenose.
ureteroproctostomía s.f. Implantación cirúrxica do
uréter no ano ou no recto.
ureterorrafia s.f. Sutura dunha fístula ureteral.
ureterorraxia s.f. Hemorraxia orixinada no uréter.
ureterorrectostomía s.f. Implantación cirúrxica do
uréter no recto. Tamén se di ureteroproctostomía.
ureterorrexe s.f. Rotura do uréter.
ureterosalpingostomía s.f. Salpingoureterostomía.
ureterosigmoidostomía s.f. Implantación cirúrxica do
uréter no colon sigmoide.
ureterostenose s.f. Estenose do uréter.
ureterostoma s.m. 1. Orificio vesical do uréter. 2. Fístula
ureteral.
ureterostomía s.f. Formación cirúrxica dunha fístula
permanente pola que o uréter poida baldeira-la urina.
ureterostomose s.f. Ureterostomía.
ureterotomía s.f. Incisión cirúrxica do uréter. Tamén se
di disección do uréter.
ureterotrigoenterostomía s.f. Implantación do uréter e
parte do trígono vesical que o rodea no intestino.
ureterotrigonosigmoidose s.f. Implantación cirúrxica
do uréter no colon sigmoide coa porción de trígono
vesical que o rodea, que se realiza na extrofia conxénita
da vexiga.
ureteroureteral adx. Que une dous segmentos do uréter.
ureteroureterostomía s.f. Sutura dos extremos do
uréter seccionado.
ureterouterino-a adx. Relativo ós uréteres e ó útero.
ureterovaxinal adx. Que está relacionado co uréter e a
vaxina.
ureterovesical adx. Relativo ó uréter e á vexiga urinaria.
ureterovesicostomía s.f. Ureterocistostomía.
urético-a adx. 1. Relativo á urina. 2. Diurético. 3. Relativo
á uretra.
uretra s.f. Conducto membranoso que vai desde a vexiga
urinaria ata o exterior. A feminina é completamente
membranosa, mide uns catro centímetros de longo, e vai
desde o colo da vexiga ata o meato urinario, por riba da
vaxina. A masculina mide entre catorce e dezaseis centímetros
e vai desde o colo da vexiga ata o extremo do
pene, dividida en dúas partes: unha anterior ou móbil e
unha posterior ou fixa. A porción máis próxima á vexiga
recibe o nome de prostática por estar rodeada pola próstata,
e nela ábrense os conductos exaculadores e prostáticos;
a parte seguinte é a membranosa, máis estreita, e
vai desde o vértice da próstata ata o bulbo do corpo
cavernoso; a parte distal é a esponxosa, formada por
tecido eréctil e situada no pene, no suco inferior dos
corpos cavernosos.
uretral adx. Relativo ou pertencente á uretra.
uretralxia s.f. Dor na uretra.
uretratresia s.f. Atresia ou imperforación da uretra.
uretrectomía s.f. Extirpación cirúrxica total ou parcial da
uretra. // U. circunferencial Resección dun segmento
completo da uretra.
uretrenfraxe s.f. Obstrucción da uretra.
uretrismo s.m. Irritabilidade da uretra ou espasmo
uretral.
uretrite s.f. Inflamación aguda ou crónica da uretra. // U.
blenorráxica ou gonorreica A debida ó gonococo. / U.
diabética ou gotosa Uretrite simple debida á diabete ou
á gota, respectivamente. / U. simple A non debida a unha
infección específica.
uretroblenorrea s.f. 1. Saída de pus pola uretra. 2.
Blenorrea.
uretrobulbar adx. Relativo á uretra e ó bulbo do corpo
esponxoso.