1 - principio.qxd

parotidectomía 580
ción, mediante pequenos conductos, no conducto parotidiano.
parotidectomía s.f. Escisión da glándula parótide.
parotidiano-a adx. Relativo ás parótides.
parotidite s.f. Proceso inflamatorio da glándula parótide,
xeralmente consecutivo a un estado infeccioso xeral,
caracterizado pola tumefacción e supuración da glándula.
Tamén se di bubón parotídeo. // P. celíaca A que é
consecutiva a unha infección abdominal. / P. epidémica,
contaxiosa ou infecciosa Enfermidade infectocontaxiosa
que afecta especialmente a adolescentes e xente nova,
producida por un virus do xénero Paramyxovirus, caracterizada
pola inflamación das parótides, aínda que ás
veces afecta tamén a outras glándulas salivares (submaxilares
e sublinguais). É frecuente durante a enfermidade
ou na súa declinación a aparición dunha orquite ou
ovarite nos adultos, ás veces con atrofia dos órganos
afectados. A meningoencefalite é outra das complicacións
que poden observarse. Tamén se di papeiras,
orellóns. / P. flegmonosa A que evoluciona cara á supuración.
/ P. metastática P. con complicación dos testículos,
mamas ou ovarios.
parotidoauricular adx. 1. Relativo á parótide e á orella.
// s.m. 2. Músculo pouco frecuente na especie humana,
que se insire na fascia da parótide e na cara anterior da
cuncha do pavillón auditivo.
parotidoesclerose s.f. Esclerose da glándula parótide.
parotina s.f. Factor proteico illado da glándula parótide,
que tería actividade hormonal.
parotite s.f. V. parotidite
parovario s.m. V. paraovario
parovariotomía s.f. Extirpación dun quiste do parovario.
parovarite s.f. Inflamación do parovario.
paroxismal, paroxísmico-a ou paroxístico-a adx.
Relativo ó paroxismo ou que ocorre en paroxismos.
parrocha s.f. Órgano xenital feminino. Úsase familiarmente
e como eufemismo.
pars s.f. (lat.) Porción ou parte, parte de certas estructuras
anatómicas. // P. basilaris Apófise basilar do occipital. /
P. caeca e óptica Partes da retina anterior e posterior,
respectivamente, á ora serrata. / P. cavernosa e
membranácea Porcións cavernosa e membranosa da
uretra. / P. fláccida e tensa Porción fláccida ou
membrana de Shrapnell e porción tensa, respectivamente,
do tímpano. / P. intermedia Revestimento epitelial do
lobo posterior da hipófise.
parte s.f. 1. Porción dun todo. 2. Órgano, rexión ou zona.
// s.m. 3. Comunicación verbal ou escrita.
parteiro-a s. Persoa que asiste a muller no parto. Tamén
se di comadrón-comadroa.
partenoplastia s.f. Restauración da virxindade anatómica
por suturación do hime esgazado.
partenoxénese s.f. Reproducción virxinal ou asexual,
sen fecundación por un gameto masculino. // P. artificial
Desenvolvemento dun ovo non fecundado, por medios
físicos ou químicos.
partes s.f.pl. Órganos xenitais externos.
partexamento s.m. Acto de partexar.
partexar v. Auxiliar como parteira.
partícula s.f. Parte moi pequena ou corpúsculo. // P. alfa
Partícula de carga positiva saída do núcleo dun átomo
radioactivo. Estas son as partículas constitutivas dos
raios alfa. / P. beta Electrón desprendido na desintegración
dos elementos radioactivos. / P. colide Partículas
orgánicas dunha fase dispersa. / P. de Dane Partícula
vírica esférica, clasificada provisionalmente como parvovirus,
de aproximadamente 45 mm de diámetro, que se
atopa no soro de pacientes con hepatite B, en cantidade
variable. Consta dunha dobre envoltura que contén DNA
bicatenario, e suponse que é o axente responsable da
hepatite. Tamén se di HBV / P. elemental de Zimmermann
Plaqueta.
partimutismo s.m. Xordomudez.
partinio ou partinium s.m. Aliaxe de aluminio e tungsteno,
máis barata e máis forte có aluminio.
partíxeno s.m. Elemento constitutivo hipotético dun antíxeno,
que provocaría a formación de anticorpos particulares,
sendo a suma deles capaz de producir inmunidade.
Tamén se di antíxeno parcial.
parto s.m. Conxunto de procesos fisiolóxicos mediante os
cales a nai expulsa os productos da concepción maduros
ou case maduros. Tamén se di apociese, parturición.
Respecto do feto comprende cinco fases: reducción,
descenso, rotación interna, desprendemento e rotación
externa. Respecto da nai comprende tres períodos:
premonitorio, dilatación e expulsión. // P. agripino Parto
no que o feto se presenta de nádegas. / P. artificial Parto
inducido ou facilitado por manobras manuais ou instrumentais.
/ P. complicado Parto no que ocorren accidentes,
hemorraxia, eclampsia, etc. / P. contra natura
Parto por vías non naturais, ou no que o feto se presenta
noutra forma que non sexa de cabeza ou de nádegas. / P.
distócico Parto anormal por unha causa materna ou fetal.
/ P. espontáneo ou fisiolóxico Expulsión espontánea
polas vías naturais do feto a termo. Tamén se di parto
natural, eutócico / P. inducido Parto provocado por
medios artificiais con obxecto de salva-la vida da nai, do
feto ou dos dous, que estarían comprometidas se se
deixase chega-lo embarazo a termo Tamén se di parto
provocado. / P. múltiple Parto de máis de dous fetos / P.
prematuro Parto dun feto viable antes dos 260 días de
embarazo. / P. prolongado Parto que dura máis de 12
horas nas multíparas e de 24 horas nas primíparas. / P.
tardío Parto despois dos 280 días de embarazo. / P.
xemelgar Parto de dous fetos.