1 - principio.qxd

peritonización 598
crónicas como a tuberculose, procesos canceríxenos, etc.
/ P. difusa ou xeneralizada Peritonite que afecta todo o
peritoneo, de forma aguda ou crónica. / P. enquistada
Peritonite localizada, na que se formou un derramo de
calquera tipo limitado por adherencias. / P. hemorráxica,
purulenta, serosa Peritonite caracterizada, respectivamente,
pola natureza do exsudado: sangue, pus, soro. / P.
por perforación Peritonite debida a unha perforación do
tubo dixestivo causada por un proceso ulcerativo. / P.
séptica Peritonite debida á acción microbiana. / P. tuberculosa
Peritonite séptica, de curso crónico e común na
infancia e adolescencia. Reviste varias formas: infiltrada,
fibrosa, ascítica.
peritonización s.f. Técnica cirúrxica encamiñada a
cubrir superficies sen envoltura dunha víscera abdominal
con peritoneo veciño. Tamén se di autoplastia peritoneal,
peritoneoplastia.
peritonsilar adx. Situado arredor dunha amígdala.
peritonsilite s.f. Periamigdalite.
perítrico-a adx. Rodeado de pelos, especialmente as
bacterias provistas de flaxelos.
peritrocantéreo-a adx. Situado arredor dun trocánter.
periungueal adx. Que ten lugar ou está localizado
arredor dunha uña.
periureteral adx. Que ocorre ou está localizado arredor
dun uréter.
periuretral adx. Que ten lugar ou está localizado arredor
do uréter.
periuretrite s.f. Inflamación do tecido celular que rodea
o uréter.
periuterino-a adx. Situado ou que ocorre arredor do
útero.
perivascular adx. Situado ou que ocorre arredor dun
vaso.
perivasculite s.f. Inflamación da capa adventicia dos
vasos. Tamén se di periarterite, periflebite.
perivaxinite s.f. Pericolpite.
perivertebral adx. Situado ou que ocorre arredor dunha
vértebra ou da columna. Tamén se di perispondílico.
perivesical adx. Situado ou que ocorre arredor da vexiga
urinaria.
perivesicular adx. Que ten lugar ou está situado arredor
dunha vesícula, especialmente a biliar.
perivesiculite s.f. Inflamación dos tecidos que rodean a
vesícula seminal.
perivisceral adx. Situado ou que ocorre arredor dunha ou
varias vísceras.
perivitelino-a adx. Situado arredor do vitelo ou xema.
perixenite s.f. Inflamación que se produce arredor dun
corpo estraño. Tamén se di perialienite.
perixexunite s.f. Inflamación dos tecidos que rodean o
xexuno.
perla s.f. Cápsula esférica de xelatina que contén unha
dose dun medicamento volátil ou de mal sabor. Tamén se
di albugo. // P. de Epstein Pequena masa branco-amarelada
que se observa no padal dos neonatos. / P. de
Laennec Masas xelatinosas redondeadas nos esputos dos
individuos que padecen asma bronquial. / P. epitelial ou
epidérmica Formacións cutáneas papulosas e brancas
que aparecen na periferia dalgúns tumores epidérmicos.
Tamén se di globo epidérmico.
perlesía s.f. 1. Parálise. 2. Debilidade muscular debida a
unha enfermidade ou á idade avanzada.
perlingual adx. Que ten lugar a través da lingua, vía de
administración dalgúns medicamentos dos cales interesa
unha absorción rápida colocándoos enriba ou debaixo da
lingua.
permanente adx. 1. Duradeiro, constante. 2. Relativo á
sonda uretral que se deixa por un tempo.
permanganato s.m. Sal do ácido permangánico. Todas
elas son oxidantes e antisépticas, e o p. potásico úsase
frecuentemente en solucións como antiséptico externo.
permeabilidade s.f. Calidade de permeable. // P. capilar
Propiedade do endotelio capilar de permiti-lo paso de
determinados compoñentes do sangue cara ós tecidos. / P.
menínxea Paso de substancias naturais ou accidentais do
sangue ó líquido cefalorraquídeo. / P. renal Paso de substancias
a través dos riles.
permeable adx. 1. Que pode ser atravesado por líquidos
ou gases. 2. Relativo a un vaso non obstruído.
perna s.f. Porción do membro inferior comprendida entre
o xeonllo e o pé, formada por dous ósos: tibia e peroné.
// P. artificial Prótese que substitúe a perna amputada. /
P. cruzadas ou en tesoira Deformidade na que as pernas
se cruzan pola aducción extrema provocada por unha
coxalxia dobre. / P. de polichinela Perna con parálise dos
extensores debida á neurite alcohólica. / P. en O Genu
varo. / P. en X Genu valgo.
pernasal adx. Efectuado a través do nariz.
pernicioso-a adx. 1. Que tende a un fin fatal. 2. De certas
enfermidades graves.
pernio s.m. Frieira.
perniose s.f. Enfermidade cutánea producida polo frío.
pernoctación s.f. Insomnio.
pero- Prefixo do grego, mutilado, deforme.
perobraquio-a adx. Cos brazos deformes.
perocéfalo-a adx. Coa cabeza deforme.
perodáctilo-a adx. Cos dedos deformes ou mutilados.
perodinia s.f. Gastralxia ou cardialxia.
peromelo-a adx. Cos membros deformes.