1 - principio.qxd

mixofibroma 484
mixofibroma s.m. Tumor mixomatoso con elementos
fibromatosos. Tamén se di mixoma fibroso.
mixofibrosarcoma s.m. Tumor constituído por
elementos sarcomatosos, fibromatosos e mixomatosos.
mixoglioma s.m. Glioma con dexeneración mixomatosa.
mixoide adx. Semellante ó moco.
mixolipoma s.m. Mixoma que posúe depósitos lipoides
na súa estructura. Tamén se di mixoma lipoide.
mixoma s.m. Tumor mesenquimatoso constituído por
tecido conxuntivo primario. Tamén se di mixoblastoma.
// M. auricular Mixoma que se localiza sobre as paredes
da aurícula esquerda, especialmente no tabique interauricular,
a carón da fosa oval. A maior parte deles son pediculados,
variando de posición ó longo do ciclo cardíaco.
A clínica simula xeralmente unha valvulopatía mitral,
tanto unha estenose, como consecuencia do prolapso
tumoral no orificio valvular durante a sístole, como unha
insuficiencia, producida polo dano que ocasiona o tumor
ó golpea-la propia válvula. É a forma máis frecuente de
tumor primario cardíaco. / M. quístico Aquel que posúe
no seu interior cavidades. / M. fibroso V. mixofibroma.
/ M. lipomatoso V. mixolipoma.
mixomatose s.f. Doenza caracterizada pola presencia de
múltiples mixomas.
mixomatoso -a adx. Que posúe a natureza dos mixomas
ou que é semellante a eles.
mixomioma s.m. Mioma con elementos mixomatosos na
súa estructura.
mixoneuroma s.m. Neuroma que contén elementos
mixomatosos na súa estructura.
mixopoese s.f. Proceso de producción do moco.
mixorrea s.f. Fluxo mucoso excesivo. Tamén se di
mucorrea.
mixosarcoma s.m. Tumor maligno de características
sarcomatosas que contén elementos mixomatosos.
mixovirus s.m.pl. Grupo de virus, que abarca o virus da
influenza, parainfluenza, parotidite e o da enfermidade de
Newcastle. Caracterízanse por posuír nucleocápside de
RNA e unha membrana lasa. Divídense en Paramixovirus
e Ortomixovirus.
mixto -a adx. Que está composto de varios elementos
distintos.
ml Abreviatura do mililitro.
mm Abreviatura do milímetro.
mmol Abreviatura de milimol.
Mn Símbolo químico do manganeso.
mnémico -a adx. Relativo ou pertencente á memoria.
mnemotecnia s.f. Técnica utilizada para auxilia-la
memoria, empregando principalmente as asociacións de
ideas.
Mo Símbolo do molibdeno.
moa s.f. Dente molar. V. molar.
mobilidade s.f. 1. Calidade de movible. 2. Facultade de
moverse espontaneamente. Tamén se di motilidade.
mobilización s.f. Acción de poñer en movemento unha
parte do aparello locomotor. // M. activa Aquela que se
produce polo accionamento voluntario dos propios
músculos. / M. asistida Mobilización activa realizada
coa axuda doutra persoa. / M. pasiva Aquela realizada
mediante un aparello ou mediante a acción doutra persoa,
que moven diferentes partes do organismo sen que se
produza unha activación voluntaria dos músculos das
mesmas.
mocidade s.f. Estado ou idade do adolescente ou do
adulto novo.
moco s.m. Substancia líquida ou semisólida, máis ou
menos espesa e viscosa e elástica segregada polas glándulas
mucosas, especialmente do nariz. Componse esencialmente
de auga, sales inorgánicos, mucina, e algunhas
células epiteliais e leucocitarias. Ten unha función
protectora e lubrificante das mucosas.
moda s.f. Medida de centralización estatística, que
expresa o valor que máis veces se repite nunha distribución
de casos. Unha serie de casos pode ter unha ou máis
dunha moda, ou ben non ter ningunha.
modalidade s.f. 1. Modo de ser dunha cousa. 2. Cada
unha das diferentes formas que pode presentar unha
mesma cousa.
moderador -a adx. Que modera ou frea unha acción ou
un proceso, especialmente os nervios vasomotores, o
nervio pneumogástrico e un fascículo arqueado do ventrículo
dereito.
modificador -a adx. Dos axentes capaces de modificar
unha función orgánica.
modíolo s.m. Eixe ou columela do caracol do oído
interno.
modorra s.f. Estado caracterizado pola somnolencia e a
apatía.
modulación s.f. 1. Capacidade normal das células para se
adaptar ó medio. 2. Modificación da frecuencia ou da
amplitude das ondas eléctricas realizadas coa finalidade
de facilita-la súa transmisión. 3. Modificación realizada
no ton da voz ou dun son. 4. Acción de poñer ou dispoñer
en módulos.
mofo s.m. Organismo micromicetal que se desenvolve
sobre materias orgánicas en proceso de descomposición,
especialmente os pertencentes á familia mucorácea e á
dos hifomicetes.
mola s.f. Masa informe que se desenvolve no útero, especialmente
aquela que aparece como consecuencia da
dexeneración patolóxica das vilosidades do corion e a
placenta. // M. hidatídica Masa uterina que se forma
durante o embarazo, formada pola proliferación das vilo-