1 - principio.qxd

651 pulso
pubarquia s.f. Aparición do pelo pubiano.
pube s.f. 1. Porción anterior do óso coxal ou ilíaco. 2.
Parte media inferior do hipogastrio.
púbere adx. e s. Persoa que chegou á pubertade.
pubertade s.f. Período da vida comprendido aproximadamente
entre os 12 e os 14 anos, no que se desenvolven
os caracteres sexuais somáticos e que marca o comezo da
vida sexual reproductiva. // P. precoz Madurez sexual
que ocorre antes da idade normal, de tipo patolóxico.
pubescencia s.f. 1. Pubertade. 2. Aparición de pelo na
pube.
pubescente adx. 1. Que acadou ou vai acada-la pubertade.
2. Que está cuberto de pelos.
pubetrotomía s.f. Sección do óso pube e da porción inferior
da parede abdominal.
pubofemoral adx. 1. Relativo ó óso pube e ó fémur. //
s.m. 2. Músculo aductor da coxa.
puboplastia s.f. Cirurxía plástica da pube.
pubotomía s.f. Sección cirúrxica do óso pube a un lado
da liña media, co fin de amplia-lo diámetro da pelve no
momento do parto. Tamén se di operación de Gigli,
piebosteotomía.
puboumbilical adx. 1. Relativo á pube e ó embigo. //
s.m. 2. Músculo piramidal do abdome.
pudendagra s.f. Dor nos xenitais externos, sobre todo
feminina.
pudendo-a adx. Relacionado cos xenitais externos.
pudendum s.m. (lat.) Órgano xenital externo. // P.
muliebre. Vulva.
puericia s.f. Segunda infancia, período comprendido
entre os sete anos e a pubertade.
puericultura s.f. Rama da pediatría que se ocupa do
estudio dos coidados necesarios para o mellor desenvolvemento
dos nenos.
pueril adx. Relativo á infancia.
puerilismo s.m. Infantilismo.
puérpera s.f. Muller que acaba de parir ou que se atopa
no puerperio.
puerperilidade s.f. Período que transcorre desde o inicio
do embarazo ata a fin do puerperio.
puerperio s.m. Período que transcorre desde o parto ata
que os órganos xenitais e o estado xeral da muller recuperan
o estado que tiñan antes do embarazo.
pulga s.f. Insecto sifonóptero parasito do home e animais.
pulicaria s.f. (lat.) Erupción cutánea constituída por
lesións semellantes ás picaduras de pulga.
pulicida adx. Que destrúe ás pulgas.
pulícidos s.m.pl. Familia de insectos afanípteros, de tórax
grande, cabeza pequena e enormes patas, que comprende
a maioría das pulgas.
pulicose s.f. Irritación cutánea causada polas pulgas.
pulmólito s.m. Cálculo pulmonar. Tamén se di pneumólito.
pulmometría s.f. Medición da capacidade pulmonar.
pulmómetro s.m. Espirómetro.
pulmón s.m. Órgano par, esencial do aparello respiratorio,
no que se produce o intercambio de gases entre o
aire respirado e o sangue. Teñen como función, xa que
logo, osixena-lo sangue. Sitúanse un a cada lado do tórax,
separados entre eles polo corazón e órganos do mediastino.
Son órganos moles, flexibles, comprensibles, en
forma de cono irregular, de vértice superior que chega á
primeira costela, e a base apóiase no diafragma. O
pulmón dereito é máis grande có esquerdo, e presenta
dúas cisuras que o dividen en tres lobos desiguais; o
esquerdo ten só dous lobos. Están rodeados pola folla
visceral da pleura, e constituídos por tecido conxuntivo
subseroso e parénquima formado pola reunión de lóbulos
pulmonares unidos entre eles por tecido conxuntivo.
Cada un destes lóbulos consta dun bronquíolo, chamado
bronquíolo lobular, que se ramifica en bronquíolos
acinosos que rematan nunha dilatación da que parten os
infundíbulos que conteñen os alvéolos pulmonares, cada
un dos cales está rodeado dunha fina rede de capilares
sanguíneos. // P. de aceiro Aparello utilizado para manter
durante un tempo longo a respiración artificial. / P. en
panal Imaxe radiográfica típica do pulmón poliquístico.
pulmonectomía s.f. Pneumectomía.
pulmonía s.f. Pneumonía.
pulsación s.f. 1. Expansión dun órgano de forma sincrónica
co pulso. 2. Cada un dos latexos das arterias. // P.
abdominal Latexos producidos pola impulsión da aorta a
nivel abdominal. / P. hepática Elevación da rexión hepática
perceptible ó tacto nos casos de insuficiencia tricuspídea,
por refluxo do sangue nas veas cava inferior e
suprahepática.
pulsátil ou pulsativo-a adx. Que presenta latexos
rítmicos ou pulsacións.
pulsión s.f. En psiquiatría, impulso, tendencia instintiva a
realizar un acto. Segundo a teoría freudiana, o home
posúe unhas tendencias instintivas que se atopan a nivel
do inconsciente, e existiría unha oposición entre os
instintos da vida ou instintos sexuais básicos, e os da
morte ou instintos da agresividade.
pulso s.m. 1. Expansión e contracción sucesivas e periódicas
das arterias, diástole e sístole respectivamente
percibidas polos dedos na palpación. 2. Sucesión das
pulsacións arteriais cun número no adulto que oscila
entre 65 e 75 por minuto. O pulso é a manifestación das
variacións de presión creadas polo fluxo de sangue desde
o corazón á aorta, que se transmiten a tódalas arterias en