1 - principio.qxd

491 murmurio
mucoproteína s.f. Proteína conxugada na que o grupo
prostético é un polisacárido constituído por hexosaminas
e ácidos combinados con restos acetílicos ou sulfónicos.
Presente no tecido conxuntivo e nos tecidos de sostén.
Mucor Xénero de fungos da familia Mucoraceae, da orde
dos mucorais, presentes no chan, na vexetación descomposta,
en alimentos ricos en azucre e no esterco, dos que
algunhas especies constitúen o axente causante da
mucormicose.
mucormicose s.f. Doenza causada por unha infección
por fungos da orde dos mucorais, especialmente as especies
Rhizopus, Rhizomucor e Cunninghamella. A afectación
limítase xeralmente a persoas con enfermidades
graves previas, como transplantados, cadros neoplásicos
e inmunodeficiencias. A infección adquírese desde a
natureza, non existindo trasmisión de persoa a persoa.
Producen lesións de aparición súbita no tecido orbitario e
nos seos paranasais, especialmente na diabete melitus
mal controlada, causando nalgunhas ocasións un cadro
invasivo e rapidamente mortal. Pode, ademais, producir
invasións dixestivas e pulmonares.
mucorrea s.f. V. mixorrea.
mucosa s.f. Membrana mucosa. V. membrana.
mucosanguíneo -a adx. Composto por moco e sangue.
mucoseroso -a adx. Composto de moco e soro.
mucosidade s.f. Moco, especialmente a segregación
mucosa abondosa.
mucosite s.f. Inflamación dunha membrana mucosa.
mucoso -a adx. Que posúe aspecto ou consistencia semellante
ó moco.
mucoviscidose s.f. Trastorno multisistémico hereditario,
caracterizado por unha alteración na función das glándulas
exócrinas. Hérdase de xeito autosómico recesivo,
estando causado por unha anomalía localizada no brazo
longo do cromosoma 7. Produce alteracións en calquera
nivel do aparello respiratorio, con infeccións características
por cepas de Pseudomona mucoide e outros microorganismos,
alteracións intestinais, pancreáticas e hepatobiliares,
no aparello reproductor, con esterilidade e
infertilidade, repercusións cardíacas do tipo da hipertensión
pulmonar, alteracións no crecemento dos nenos,
perda de sal, hipertrofia das glándulas apócrinas e hemorraxias
retinianas. Caracteristicamente existe unha perda
de sal nas glándulas sudoríparas écrinas, de xeito que a
cuantificación da mesma se utiliza como medio de diagnóstico.
Tamén se di enfermidade de Fanconi, enfermidade
fibroquística do páncreas, fibrose quística do
páncreas.
muda s.f. Cambio de epiderme que se realiza nalgunhas
especies animais periodicamente.
mudez s.f. Carencia conxénita ou adquirida da facultade
para emitir palabras ou sons articulados. Tamén se di
mutismo.
mudo - a adx. Que padece mudez.
muguet s.m. Doenza caracterizada pola aparición nas
mucosas de placas abrancazadas orixinadas por una
infección con Candida albicans. Prodúcese esencialmente
no curso de enfermidades que provocan estados de
inmunodeficiencia ou como efecto secundario de medicamentos
como os corticoides.
mulato -a adx. Individuo descendente dun proxenitor
branco e outro negro.
muleta s.f. Bastón alto cun traveseiro na parte superior
para apoia-los sobrazos que serve de apoio para andar nas
lesións e na parálise dos membros inferiores.
multi- Prefixo do lat. multus (moito).
multiarticular adx. Relativo ou que afecta a moitas articulacións.
Tamén se di poliarticular.
multicapsular adx. Que posúe varias cápsulas.
multicéfalo -a adx. Que posúe varias cabezas. Tamén se
di múlticeps.
multicelular adx. Composto de moitas células.
múlticeps adx. V. multicéfalo.
multiforme adx. Que posúe varias formas distintas.
Tamén se di polimorfo.
multiganglionar adx. Relativo ou que afecta a diversos
ganglios ou que posúe varios ganglios. Tamén se di poliganglionar.
multigrávida adx. Da muller que pasou máis de cinco
xestacións.
multiinfección s.f. Infección producida por varias clases
de microorganismos ó mesmo tempo.
multilobular adx. Que posúe varios lobos.
multilocular adx. Que posúe varios compartimentos.
multinuclear adx. Que posúe varios núcleos.
multípara adx. Da muller que tivo dous ou máis partos.
multipolar adx. Que posúe varios polos.
multirradicular adx. Relativo, que afecta ou que posúe
varias raíces, especialmente nerviosas.
Munk, enfermidade de V. enfermidade.
mural adx. Relativo ou pertencente a unha parede anatómica
ou que se atopa nela.
murámico (ácido) s.m. Heterósido derivado da glicosamina
e do ácido láctico, constituínte esencial das paredes
celulares animais.
murexina s.f. Substancia neurotóxica procedente da glándula
hipobranquial dos gasterópodos do xénero Murex.
murmurio s.m. Son ou ruído leve. // M. respiratorio
Ruído lixeiro, normal, que se percibe co estetoscopio ó
ausculta-lo tórax, durante a inspiración e no principio da
expiración, producido pola distensión dos alvéolos