1 - principio.qxd

Indiella 398
anos por cada cen habitantes. / I. de refracción Poder de
refracción dun medio calquera en comparación co do
aire, ó que se lle asigna un poder de refracción de 1 por
convenio. / I. de resistencia Comparación entre a
proporción de leucocitos neutrófilos do sangue e o total
de leucocitos existentes no mesmo. / I. de saturación da
hemoglobina Índice que amosa a porcentaxe de saturación
da hemoglobina con osíxeno ante unha determinada
presión de O 2
. / I. de saturación da transferrina Indica
proporción de transferrina unida ó ferro, que normalmente
é do trinta por cento. / I. de sedimentación Cifra
que indica os milímetros de sedimentación de glóbulos
vermellos despois de trinta minutos. / I. fagocitario
Medida que indica a capacidade que posúen os neutrófilos
para inxerir partículas opsonizadas. / I. mitótico
Proporción entre o número de células dunha poboación
que experimenta mitose e o número das que non o fan. /
I. pélvico Relación existente entre os diámetros transverso
e conxugado da pelve. / I. quimioterápico Índice
que amosa a toxicidade que posúe unha droga para o
organismo comparada coa que posúe para un parasito
determinado. / I. respiratorio Diferencia, expresada en
centímetros, que existe entre o perímetro do tórax durante
unha inspiración profunda e o mesmo perímetro durante
unha expiración forzada. / I. terapéutico Proporción
existente entre a dose letal media (DL 50
) e a dose eficaz
media (DE 50
) dun fármaco determinado. Utilízase para
avalia-la seguridade que ofrece o devandito fármaco. / I.
vital Proporción que existe entre o número de nacementos
e o de defuncións nun período de tempo determinado
dentro dunha poboación.
Indiella Xénero ó que pertencen algunhas especies de
fungos, como Indiella mansoni ou Indiella brumpti,
causantes do pé de Madura.
índigo s.m. Materia colorante azul derivada dalgúns vexetais.
Pódese obter de forma sintética.
indigotina s.f. Composto de fórmula C 16
H 10
O 2
N 2
, que
constitúe a maior parte dos colorantes do índigo natural e
sintético.
indiguria s.f. Presencia de índigo na urina.
indio s.m. Metal raro, que presenta analoxías co aluminio,
denominado así polo seu espectro, que presenta unha raia
de cor índigo. É de cor branca, brillante, máis brando e
maleable có chumbo, o seu número atómico é 49, a masa
atómica 114,82 e o símbolo In.
indirrubina s.f. Materia colorante, isómera da indigotina,
coa que aparece na composición do índigo nativo.
indisposición s.f. Alteración leve da saúde.
individualidade s.f. Conxunto de caracteres que nunha
especie diferencian a un individuo dos demais.
individuo s.m. Cada un dos seres dunha especie ou
xénero.
indixestión s.f. Malestar abdominal vago que aparece
despois das comidas e que se pode atribuír a diferentes
causas. // I. gástrica Aquela que se produce por un trastorno
localizado no estómago. / I. intestinal A que se
orixina por un trastorno localizado no intestino.
indixesto -a adx. 1. Difícil de dixerir ou que orixina indixestión.
2. Que foi inxerido e non dixerido.
indofenol s.m. Colorante do tipo O=C 6
H 4
=N-C 6
H 4
-OH,
que se obtén oxidando a mestura dun paraaminofenol e
dun fenol.
indofenoloxidase s.f. Enzima que cataliza a oxidación
do citocromo, pasando o ferro que posúe este último de
estado ferroso a estado férrico.
indol s.m. Composto aromático bicíclico, de fórmula
C 8
H 7
N, relacionado co pirrol. Derivado do índigo e da
descomposición do triptófano nos intestinos, absórbese
na mucosa intestinal e transfórmase en indoxilo no
fígado, perdendo desta maneira o seu carácter tóxico, e
atópase asemade nos cultivos do bacilo colérico. Tamén
se di benzopirrol.
indolente adx. 1. Que non experimenta ningunha dor ou
sufrimento. 2. Indiferente ou apático.
indoloro -a adx. Que non ocasiona dor.
indoluria s.f. Presencia de indol na urina.
indometacina s.f. Fármaco sintético derivado do indol,
que posúe propiedades antipiréticas, analxésicas e antiinflamatorias,
indicado especialmente no tratamento da
espondilite anquilopoésica e da artrite reumatoide, tendo
en xeral as mesmas indicacións có resto dos antiinflamatorios
non esteroides.
indoxilemia s.f. Presencia de indoxilo no sangue.
indoxilo s.m. Producto procedente do metabolismo do
indol que se elimina algunhas veces pola urina. Mediante
a conxugación hepática co ácido sulfúrico forma a indicana
urinaria. // I. vermello Materia colorante vermella,
que se forma ó quentar unha solución acuosa de indoxilo
a 130º.
indoxiluria s.f. Presencia de indoxilo na urina.
inducción s.f. 1. Acción e efecto de inducir. 2. Proceso
que orienta a diferenciación das células do embrión e
controla a constitución da forma normal do mesmo. 3. Na
bioquímica, fenómeno de adaptación que orixina a
síntese dos enzimas esenciais para a vida celular. 4.
Durante a anestesia, período que transcorre dende o adormecemento
do suxeito ata chegar a unha anestesia estable
e suficiente para comeza-la intervención cirúrxica. 5.
Xeración de electricidade ou de fenómenos magnéticos
nun corpo, mediante a influencia de correntes eléctricas
ou de campos magnéticos sobre o devandito corpo. // I.
do parto Estimulación artificial do comezo do parto.
inducido -a adx. Producido mediante inducción.
induración s.f. Endurecemento anormal dos tecidos dun
órgano.
indurado -a adx. Que sofre un proceso de induración.