1 - principio.qxd

45 antiórgano-a
antilactase s.f. Antienzima dirixido conta a lactase.
antiletárxico-a adx. Que impide o sono, que prevén a
tendencia á letarxia.
antileucocidina s.f. Anticorpo específico da leucocidina
dos estreptococos. Tamén se di antileucotoxina.
antileucocítico-a adx. Que destrúe os leucocitos.
antileucotoxina s.f. Antileucocidina.
antilipase s.f. Substancia que contrarresta a acción dunha
lipase.
antilipémico-a adx. Que contrarresta a concentración
alta de lípidos no sangue.
antilipotrópico-a adx. Que favorece a dexeneración
graxa do fígado.
antílise s.f. Inhibición ou supresión da lise, a acción das
antilisinas.
antilísico s.m. Medicamento contra a hidrofobia. Tamén
se di antirrábico.
antilisina s.f. Anticorpo producido pola inxección duna
lisina.
antilítico-a adx. 1. Pertencente ou relativo á antílise. 2.
Que combate a formación de cálculos ou que os disolve.
antiloxía s.f. Asociación de síntomas contradictorios que
impiden a formación de diagnóstico.
antiluético-a adx. Antisifilítico.
antimalárico-a adx. Eficaz no tratamento do paludismo.
Tamén se di antipalúdico.
antimefítico-a adx. Que purifica a atmosfera, propio
para combate-las emanacións fedorentas.
antimeningocócico-a adx. Contrario ó meningococo ou
á infección meningocócica.
antímero s.m. Unha das partes simétricas dun organismo
bilateral. Tamén se di homotipo.
antimetabolito s.m. Substancia que garda íntima semellanza
estructural con outra necesaria para a función
normal (metabolito esencial) e que actúa ó interferi-la
utilización desta.
antimetropía s.f. Estado no que un ollo presenta hipermetropía
e o outro miopía. Tamén se di heterometropía.
antimicético-a adx. Que mata os fungos, impide o seu
crecemento ou reproducción. Tamén se di antimicótico e
funxicida.
antimicótico-a adx. Antimicético, funxicida.
antimicrobiano-a adx. e s.m. Que impide o desenvolvemento
dos microbios. Tamén se di antimicrófito, antibactérico,
xermicida.
antimicrófito-a adx. e s.m. Antimicrobiano, antibactérico,
xermicida.
antimidriásico-a adx. e s.m. Que se opón á acción dos
dilatadores da pupila.
antimiótico-a adx. e s.m. Oposto á acción dos mióticos.
antimitótico-a adx. e s.m. Oposto á división celular
mitótica e unha das accións ideais que debe ter un preparado
anticanceroso.
antimongolismo s.m. Síndrome clínica oposta á
síndrome de Down como as relacionadas con perda de
cromosomas do grupo G (21 e 22) ou monosomía 21,
caracterizada por oblicuidade antimongoloide dos ollos,
cabeza e nariz pequenos e atraso mental e do crecemento.
antimongoloide adx. Oposto a un trazo característico do
mongolismo, como a inclinación antimongoloide da
fendedura palpebral.
antimonial adx. Pertencente ou relativo ó antimonio ou
que o contén.
antimonio s.m. Estibio, elemento metálico que forma
sales, algúns medicinais e algúns tóxicos para a pel ou as
mucosas, ou deprimen o corazón ou son irritantes
gastrointestinais. O seu símbolo é Sb.
antimórfico-a adx. En xenética, que antagoniza ou
inhibe unha actividade normal, pertencente ou relativo a
un antimorfo.
antimorfo s.m. Xene mutante que actúa para antagonizar
ou inhibi-la influencia do seu alelo.
antinarcótico-a adx. Que contrarresta a depresión narcótica
ou narcose.
antinauseoso-a adx. e s.m. Que impide ou alivia as
náuseas.
antinefrítico-a adx. Que actúa contra as inflamacións
dos riles.
antineoplásico-a adx. Que inhibe ou impide a evolución
das neoplasias ó frea-la maduración e proliferación das
células malignas, antitumoral, como algunhas hormonas,
varios quimioterápicos e as radiacións.
antineoplaston s.m. Calquera dos péptidos illados na
urina que inhiben a división celular nalgunhas células
cancerosas pero non en células normais.
antineurálxico-a adx. Que actúa contra a neuralxia.
antineurítico-a adx. Que actúa contra a neurite.
antineurotoxina s.f. Substancia que impide a acción
dunha neurotoxina.
antinio s.m. Polo frontal da cabeza, o punto frontal medio
máis lonxe da caluga (inio).
antiodontálxico-a adx. Que alivia ou cura a dor de
dentes.
antiofídico-a adx. e s.m. Remedio ou axente contra o
veleno das serpes, antipezoñoso.
antioncótico-a adx. Antitumoral.
antiopsonina s.f. Anticorpo dirixido contra as opsoninas.
antiórgano-a adx. e s.m. Que actúa contra os tecidos dun
órgano.