1 - principio.qxd

amnésico-a 34
amnésico-a adx. 1. Relativo á amnesia. // s. 2. Persoa que
padece amnesia.
amnio s.m. Conxunto de membranas fetais que forman o
saco pechado que contén o embrión de réptiles, aves e
mamíferos e o líquido que o envolve.
amniocentese s.f. Punción do amnio para extraer líquido
amniótico con fins diagnósticos.
amniorrea s.f. Saída de líquido amniótico por rotura
completa ou incompleta das membranas fetais.
amnioscopia s.f. Técnica de observación directa do feto
e o líquido amniótico que se realiza introducindo un
endoscopio a través da vaxina e o pescozo uterino ou
incidindo as paredes abdominal e do útero.
amnioscopio s.m. Aparello provisto de luz que se introduce
na cavidade amniótica para o seu exame.
amniota s.m. Animal que desenvolve membranas amnióticas,
como é o caso de réptiles, aves e mamíferos.
amniótico-a adx. Relativo ó amnio ou ós vertebrados
amniotas.
amoníaco s.m. Gas incoloro, de olor irritante, soluble en
auga e composto de nitróxeno e hidróxeno que se
emprega como estimulante da respiración e a expectoración.
amorfia s.f. 1. Calidade de amorfo. 2. Deformidade orgánica.
amorfo-a adx. 1. Que non ten forma regular ou ben definida.
2. En química, que non está cristalizado.
amoucharse v. Encollerse por enfermidade ou outro
motivo parecido.
amoxicilina s.f. Antibiótico da familia da penicilina.
AMP Siglas de adenosinmonofosfato.
AMPc Siglas de adenosinmonofosfato cíclico.
ampicilina s.f. Antibiótico da familia da penicilina.
amputación s.f. Separación completa, espontánea ou
traumática, dunha parte saliente do corpo, especialmente
a operación cirúrxica na que se secciona completamente
un membro incluíndo o óso e as partes brandas. Cando
coincide cunha articulación denomínase desarticulación.
amusia s.f. Perda da capacidade para entender e reproducir
sons musicais. Tamén se di afasia musical.
ana Nas receitas maxistrais significa que cando hai máis
dunha substancia, a cantidade de cada unha delas é partes
iguais.
ana- Prefixo que significa cara a, arriba, atrás, contra,
exceso, de novo, sobre.
anabolismo s.m. Formación no organismo de compostos
químicos complexos a partir doutros máis sinxelos, por
exemplo proteínas a partir de aminoácidos, xeralmente
con consumo de enerxía; o contrario de catabolismo.
anabolito s.m. Calquera substancia formada como resultado
dos procesos anabólicos.
anabrose s.f. Ulceración superficial.
anacidez s.f. Ausencia de acidez, especialmente no zume
gástrico por ausencia de ácido clorhídrico.
anacrótico-a adx. Forma abreviada de anadicrótico, refírese
á onda ascendente do trazado do pulso que é dobre
pola existencia de dúas ou máis expansións da arteria con
cada latexo.
anacrotismo s.m. Característica da onda do pulso que
presenta unha ou máis elevacións na parte ascendente, é
típico da insuficiencia aórtica.
anadrenalismo s.m. Ausencia da función suprarrenal.
anaerobio-a adx. Que pode vivir en ausencia de osíxeno.
//A. facultativo. Anaerobio que pode vivir en ausencia
ou en presencia de osíxeno. / A. obrigado. Anaerobio
que só vive en ausencia de osíxeno.
anaerobiose s.f. Vida nunha atmosfera sen osíxeno libre.
anaeróxeno-a adx. Que non produce gas.
anafase s.f. Fase da mitose ou da meiose, na que os
cromosomas emigran da placa ecuatorial cara ós polos da
célula.
anafiláctico-a adx. 1. Pertencente ou relativo á anafilaxia.
2. Que é sensible e reacciona de maneira esaxerada
ante a inoculación de proteínas ou outro material estraño.
anafilaxia s.f. 1. Resistencia diminuída a unha toxina ou
hipersensibilidade inducida como resultado da inoculación
previa do mesmo material, tipo de reacción inmunolóxica
(alérxica) iniciada pola combinación antíxeno-
-anticorpo e caracterizada pola contracción do músculo
liso e a dilatación capilar mediada pola liberación de
histamina, serotonina e outras substancias farmacoloxicamente
activas. 2. Choque anafiláctico.
anaforese s.f. 1. Diminución da actividade das glándulas
sudoríparas. 2. Movemento das partículas con carga
negativa (anións) dunha solución ou suspensión, cara ó
ánodo na electroforese.
anaforia s.f. Tendencia dos ollos cando están en repouso
a moverse cara arriba.
anal adx. Pertencente ou relativo ó ano.
analéptico-a adx. Axente ou medicamento estimulante
do sistema nervioso central.
análise s.f. 1. Proceso polo que é posible determina-la
composición dunha substancia. 2. Exame e estudio dun
todo para coñece-las partes que o compoñen. // A. colorímetra.
Análise cuantitativa fundada na medición da
intensidade dunha cor. / A. cualitativa. Determinación
da natureza dos compoñentes dun composto. / A. cuantitativa.
Determinación das cantidades proporcionais dos
constituíntes dun composto. / A. gravimétrica. Análise
cuantitativa dun corpo por pesadas.
analista s. Persoa que realiza determinacións analíticas.