1 - principio.qxd

15 adipose
adestrado-a adx. Ensinado, instruído.
adestrar v. Ensinarlle a alguén a practicar certa cousa
para chegar a ser destro nela.
ADH Hormona antidiurética.
adherencia s.f. 1. Acción e efecto de permanecer intimamente
preto, como ocorre coa atracción física de moléculas.
2. Unión anormal de dúas formacións anatómicas
que están normalmente separadas. 3. Soldadura ou brida
entre dúas superficies ou órganos próximos, composta no
peritoneo de fibrina organizada por tecido conectivo
fibroso, case sempre de orixe inflamatoria. 4. Forza que
sostén a dentadura superior sen necesidade de baleiro. 5.
Medida en que un paciente segue un tratamento indicado,
baixo supervisión limitada, en situacións conflictivas.
adhesión s.f. Forza atractiva de orixe molecular entre as
superficies de corpos distintos postos en contacto, adherencia.
adhesiotomía s.f. Sección ou división de adherencias.
adhesivo-a adx. 1. Que se adhire intimamente. 2. Capaz
de pegarse facilmente á pel.
adheso-a adx. Adherido, unido.
adiabático-a adx. 1. Impenetrable ou que se opón á
transmisión da calor. 2. Que se realiza sen ganancia nin
perda de calor.
adiactínico-a adx. Impenetrable para os raios actínicos.
adiadococinese s.f. Adiadococinesia.
adiadococinesia s.f. Incapacidade para realizar con
rapidez movementos voluntarios opostos sucesivos
(movementos alternados).
adiaforese s.f. Deficiencia ou falta de suor ou transpiración.
Tamén se di adiapneustia, anhidrose.
adiaforia s.f. 1. Apatía ou indiferencia. 2. Falta de
resposta ós estímulos, ocasionada pola aplicación de estímulos
previos semellantes.
adiapneustia s.f. Supresión da transpiración. Anhidrose,
adiaforese.
adiaspora s.f. Espora do fungo Emmonsia parva ou E.
crescens que, despois de inhalada, crece e forma unha
esfera grande sen endosporas.
adiasporomicose s.f. Enfermidade pulmonar de moitas
especies de roedores, rara no ser humano, producida pola
inhalación das esporas do fungo Emmonsia parva ou E.
crescens.
adiasténico-a adx. Que non ten relación coa diátese ou
tendencia constitucional.
adiastolia s.f. 1. Falta de diástole cardíaca ou non é
perceptible. 2. Insuficiencia cardíaca con acurtamento ou
diminución da diástole. // A. de Politzer. Ocorre na pericardite
constrictiva, na que o corazón, rodeado dun pericardio
fibroso, dilátase con dificultade durante a diástole.
adiatermancia s.f. Estado de impenetrabilidade para as
ondas caloríficas.
adicción s.f. Dependencia psíquica, e ás veces física, de
determinadas drogas.
adictivo-a adx. Que crea adicción, especialmente as
drogas ou o alcohol.
adicto-a adx. Que sofre dependencia dun hábito morboso.
adiemorrise s.f. Obstrucción ou diminucón da circulción
sanguínea.
adietar v. Poñer a dieta, prescribir dieta.
adifenina s.f. Etanoldietilamina esterificada con ácido
difenilacético, espasmolítico por vía oral.
adinamia s.f. Falta ou perda da forza vital ou normal,
astenia, postración.
adinámico-a adx. Pertencente ou relativo á adinamia,
asténico.
adípico-a adx. Relativo á graxa ou da súa natureza,
adiposo.
adipo- Prefixo que significa graxa.
adipocele s.f. Hernia que contén graxa ou tecido adiposo.
adipocelular adx. Composto de tecido celular e graxa.
adipocera s.f. Substancia cérea formada pola descomposición
incompleta das materias animais nos cadáveres
humanos cando se manteñen lonxe do aire e en condicións
favorables de temperatura. Tamén se di graxa de
cádaver.
adipocinese s.f. Mobilización de graxas no corpo con
liberación de ácidos graxos libres cara ó sangue.
adipocito s.m. Célula graxa.
adipoectomía s.f. Extirpación dunha masa de tecido
adiposo, en particular da parede abdominal ou da rexión
glútea, lipectomía.
adipofibroma s.m. Lipoma que contén tecido fibroso.
adipoide s.m. Lipoide.
adipólise s.f. Dixestión ou hidrólise das graxas, lipólise,
esteatólise.
adipoma s.m. Lipoma, esteatoma.
adipómetro s.m. Instrumento para medi-la espesura
graxa da pel.
adiponecrose s.f. Necrose do tecido adiposo. // A.
subcutánea do neonato. Pseudosclerema.
adipopexia s.f. Fixación ou acumulación de graxas, lipopexia.
adiposalxia s.f. Dor nas zonas adiposas subcutáneas,
adipose subcutánea de Dercum.
adipose s.f. 1. Obesidade, acumulación excesiva de graxa
no corpo. 2. Cambio graxo nun órgano ou tecido, dexeneración
adiposa, esteatose. // A. cerebral. Síndrome