62377

I. ATALA: 3. BRASILGO MUGIMENDU KOOPERATIBOAREN HISTORIA
bezala izendatuko du. Kalitatea eta bolumena handitzeko estrategien beharra ere nabarmen
ikusiko da.
Teknologia arloko aurrerapenak eta demokratizazio prozesuak eragingo dute 5.764/71 legea
atzera geratzea eta Brasilgo errealitate kooperatiboarekin etetea.
Hurrengo urtetan, kooperatibismoa arautuko duen lege berria eskatzen duten ahotsak indarra
hartuko dute. 2003an Gobernu Federalak lehenengo Grupo de Trabalho Interministerial (GTI)
sortuko du eta helburu izango du kooperatibismoaren egoera zein den diagnostikatzea eta
sektorean jarduteko ekintzak proposatzea. 2004aren amaieran bigarren GTI-a sortuko da eta
honen helburua izango da lege berrirako proposamenak egitea.
Beste pausu inportantea izango da I Encontro Nacional das Cooperativas da Agricultura
Familiar de Economia Solidaria-tik sortuko den UNICAFES, Uniao Nacional de Cooperativas da
Agricultura Familiar de Economia Solidaria . Honekin batera sortuko da (ANCOSOL)
Associaçao Nacional do Cooperativismo da Economia Familiar e Solidaria eta beste hainbat
erakunde eta hauen funtzioa izango da nekazaritza familiarraren beharrak zein diren
diagnostikatu eta aterabideak proposatzea; hauen artean orotariko gaiak egongo diren arren,
besteak beste kooperatiba lege berriaren proposamena ere egitea zegokien. Baita beste
honako gaiak ere: kreditu kooperatiben erregulazioa, Banku Zentralarekin izan beharreko
harremanak eta eskualdeko eta nazio mailako ordezkaritzaren indartzea.
Kooperatibismoaren arloan ahalik eta elkartzeko askatasunik handiena eta ordezkaritzarik
indartsuena izatea ezinbestekoa da, 1988ko Konstituziora arte egon zen ordezkaritza bakarrak
ez zuelako kooperatibak sortzea indartu eta bultzatu. Instituto Nacional de Colonizaçao da
Reforma Agrariak (INCRA) emandako datuen arabera 1960an, diktadura aurretik, 4.653
kooperatiba zeuden Brasilen. 1981an berriz, kopuruak behera egin zuen eta 2.208 kooperatiba
zeuden. Eta 2005an berriz, 20.000 inguru ziren Junta Komertzialetan erregistratutako
kooperatibak.
Brasilgo kooperatibismoak bere nazioarteko ordezkaritza indartzen duen garaian, - 1997an
brasildarra izango da Alianza Cooperatiba Internacional (ACI)ko lehendakaria- kreditu
kooperatiba brasildarrak pausu garrantzitsu bat emango dute euren erakundetzean. Zentralak
eta konfederazioak sortuko dira hiru sistema desberdinetatik abiatuz: Sistema de Crédito
Cooperativo (SINCREDI), Sistema de Cooperativas de Credito do Brasil (SICOOB) eta Sistema
de Cooperativas de Crédito Profissionais da Saude (UNICRED).
Organizaçao das Cooperativas Brasileiras-en esanetan kreditu sistema indartzen ari zen baina
oraindik ez zegoen osatuta. Banco Nacional de Credito Cooperativo (BNC), urtetan finantza
sistemako eragiketa guztiak egiten zituena, 1990an gobernuak desegin egingo du eta kreditu
99