62377

II. ATALA:
8. OCB EUSKAL INSTITUZIO KOOPERATIBOEN IKUSPEGITIK
Komisioaren formari dagokionean esan ez dela izaera kooperatiboa daukan entitate bat,
publikoa baizik; sektore kooperatiboak daukan ordezkaritza gutxiengoa da. Erregelamenduak
bereizten ditu Plenoaren eta Iraunkorraren funtzioak.
Plenoari honako funtzioak esleitzen zaizkio:
- Kooperatiba esparruan aurrera eraman beharreko politika ekonomiko, finantzario
eta sozialean gobernua aholkatzea.
- Kooperatiba mugimenduaren sustapen, bultzatze eta babespen lanen koordinazioa
eramatea.
- Lan Ministerio eta gainerako organismoei bere eskuduntzapeko gaietan
proposamen, gomendio eta mozioak luzatzea.
- Erregelamenduaren araudian eragina izan dezaketen xedapenen gaineko
homologazioa proposatzea.
Iraunkorrari honako funtzioak esleitzen zaizkio:
- Arlo kooperatiboan politika sozialaren garapenerako irizpideak aztertu eta garatzea.
- Arlo kooperatiboan organismo publikoen ekintza eta proiektuak ezagutzea ekintzon
koordinazioa eta antolaketa eramateko.
- Printzipio eta teknika kooperatiboen garapen, sustapen eta bultzatzearekin lotutako
txostenak eta diktamenak egitea.
Ibilbide historikotik argi ikus daiteke estatua eta mugimendu kooperatiboaren arteko
harremanaren konplexutasuna. Mugak argi ez egotearen ondorioz, zaila da harremana ongi
taxutzea. Kontrol, zaintza eta babeste funtzioak dira iraunkortasun gehien dutenak kooperatiben
gainean eragina duten organismo publikotan.
3/87 Legean Kooperatiben Goren Kontseilua sortzen denerako, Euskadikoak badu ibilbide bat
egina eta sortuta daude baita Katalunia, Andaluzia eta Valentziakoa ere. Konstituzioko 129.2
artikuluan oinarrituta sortzen dira eta baita hainbat erreferentziekin ere; nahiz eta
eraginkortasun maila baxukoak denak ere.
316