62377

I. ATALA: 3. BRASILGO MUGIMENDU KOOPERATIBOAREN HISTORIA
askatzea alegia. Emendakin batzuk zerga bilketarako legezko ordezkaritza zuen organo bat
sortzeko proposamena jasotzen zuten. Ekimena azkenean, hamar urte beranduago gauzatuko
da, beste tresna araugile batzun bitartez eta hau izango da Sistema Nacional de Aprendizagem
do Cooperativismo- SESCOOP.
Kooperatiben eraketarako aldez aurreko baimenik behar ez izatea eta funtzionamenduan eskuhartzea
debekatua izatea jasotzen duen artikulua izango da testu konstituzionalean
erreferentzia garrantzitsuena. Konstituzio Federalean, II tituluan, Oinarrizko eskubide eta
bermeak jasotzen diren atalean, zehazki, 5 artikuluan, XVIII atalean jasoko da zehazki 62 .
Konstituzioan jasotzeak Estatuaren aurrean autonomia ematen du eta esan behar da, badirela
Konstituzioan oinarrizko askatasunekin erlazionatuta dauden eskubideak bermatzeko helburu
duten beste artikulu batzuk. Zentzu honetan, XX ataleko edukiak, hots, 5 artikuluko eduki bera,
OCBren proiektu politikoan hutsune edo eragozpen bat suposatuko luke. Atal honek argi eta
garbi adierazten du, ‘ ezin izango zela inor behartu edo derrigortu elkartzera’ .
Konstituzioko atal hauen artean sortu zen eztabaidak eragingo du, inolako zalantzarik gabe,
5.764/71 Legea argitaratu zenetik, sistema kooperatibistan emandako aldaketarik
garrantzitsuena. Estatuaren eta OCBren alde, diktadura militar garaian ezarri zen boterea
zentraltasunarekin hautsiko da, eta ondorioz, garai hartan idealizatu zen proiektu politikoaren
oinarrizko printzipioekin hautsiko da.
Konstituzio xedapenak dakartzaten ondorioak ez datoz bat OCBk dituen asmo eta planekin.
Nahiz eta erakundeak berak, OCBk, estatuaren tutoretza askatu nahi izan, ordezkaritza
kooperatibo nazionala berak izatea gorde beharrekoa zen, azken batez, hori baitzen bide
bakarra, kooperatibak bere kontrolpean izateko.
Konstituzio Federal berriak aldarrikatzen duen antolaketa eta elkartze edo asoziazio
askatasunak, ordura arteko kontrol monopolioarekin haustea ekarriko du. Sortzen ari zen
erregimenak, ia 17 urtetan dimentsio nazionala izan zuen egitura aldatzea suposatuko du.
62 XVIII- a criaçao de associaçoes e, na forma da lei, a de cooperativas independem de autorizaçao,
sendo vedada a interferençai estatal em seu funcionamiento
86