62377

I. ATALA: 4. BRASILGO KOOPERATIBA ERREALITATEA GAUR
Liana Carleial eta Adriane Paulistaren esanetan, Ekonomia Solidarioa osotasunean ikertzeak
fenomenoa bere konplexutasun guztiarekin aztertzea suposatu behar du 94 . Lehenengo, zein
ezagutza esparrutan kokatzen den jakin behar da. Bi hitzen batuketari erreparatzean,
‘ekonomia’ eta ‘solidarioa’, eratorri daiteke esparrua bera.
Ekonomian gailentzen den araua lehiakortasuna da; gero eta merkatu gehiago lortu nahia eta
produktuen salmenta bermatzea. Elkartasunari dagokionean berriz, beste esparru batean
sartzen gera; etika edo morala baina, inondik inora ez ekonomiaren arloan. GIRARDek (2005)
aldiz, uste du, bai lehia eta bai elkartasuna elementu naturalak izanik, gizartean presente
daudela. Bere ustez gainera, elkartasuna lehiakortasunaren maila berean arautu daiteke, bata
bestearen menpean ipini barik. Nola arautu daitezke bata bestearen parean? Bata bestearen
instrumentu bilakatu barik, hori egitea posible al da?
GIRARDek eta AZAISek (2002) Frantzian burututako ikerketa baten ondoren proposatzen dute
‘praktika solidarioei’ buruz berba egitea egokiagoa dela ‘ekonomia solidarioari’ buruz hitz egitea
baino. Praxiari buruz hitz egin behar dela, azken finean, AZAISen ustez, (2006) ekonomia
solidarioa ez da existitzen 95 . Esan daiteke une honetan hainbat direla esparru hau izendatzeko
erabiltzen diren terminoak edo ezagutza esparruak: ekonomia soziala, soziologia ekonomikoa,
mugimendu sozialen praktika eta baita gobernuen politika publikoen esparrua ere.
93 SINGER, P. Introduçao á Economia Solidaria. Fundaçao Perseu Abramo. Sao Paulo, 1996.
Singer. Ekonomia kapitalistaren eta solidarioaren artean dagoen alde nabarmenena da, enpresak
administratzeko modua. Lehenak heterogestioa aplikatzen du, hots, administrazio hierarkikoa, autoritate
maila desberdinez osatuta dagoena, eta zeinetan informazio eta kontsultak behetik gora egiten duten eta,
aginduak aldiz goitik behera. Beheko langileak gutxi dakite, beraien errutinazko eta errepikatuak diren
lanak burutzeko beharrezko dutena soilik. Hierarkian gora egin ahala, enpresari buruzko ezagutza igo
egiten da, besteak beste, burutu beharreko lanak konplexuagoak direlako eta langilearen aldetik ekimen
eta erantzukizun gehiago eskatzen dutelako. Mailarik altuenetan ezagutzak beharko luke izan osoa,
etorkizunera begirako erabaki estrategikoak hartzea dagokielako.
94 UFPRko irakasle titularra eta CNPqko ikerlaria eta UFPRko Ekonomiako ikaslea eta CNPqko kidea.
95 AZAISen ustez (2006) praktika solidarioen baitan kokatzen dira ondasun eta zerbitzuak ekoiztera eta
lotura soziala sortzera bideratzen diren praktikak.Esparru publikoan kokatzen dira, praktika solidarioa,
partehartzailea eta kohesio sortzaileak izaten dira. Helburu izaten dute ekoizpen ekonomiko efizienteak
eta lotura sozial sortzaileak izatea. Fontaine eta Hirardek (2003)bateratzen dituzte kohesio soziala eta
ekimen ekonomikoa. AZAIS (2006) praktika solidarioak erakusten dute euren ekintza zehatzekin lotura
soziala sortzeko borondatea. Ondorioz praktika solidarioa gailentzen den joku ekonomikoaren
arrazionaltasunetik urruntzen da eta ikuspegi soziala ekonomikoaren azpitik jartzeko joeratik urruntzen da.
119