62377

ONDORIOAK
Mahai gainean dauden lege proposamenetako batek ere ez du sakoneko
aldaketarik proposatzen gaur indarrean den legearekiko. Kooperatiben
ordezkaritza eta Sozietate Sinplearen figura lirateke proposamen ausartenak. Ordezkaritzaren
gaian garbi dago OCB dela jarrera tinko mantentzen duena. Bere orain arteko botere eta
eskuduntza esparrua mantentzeko helburua du. Eskala edo maila bat lortzen ez duten
ekimenak kooperatiba izaera barik Sozietate Sinple izaera hartzea ez dugu egoki ikusten.
Eduardo Suplyciren kooperatiba berezien formula ere nahiko zalantzagarria da. Kooperatibak
sailkatzen eta mailakatzen ari bait gara. Egokiagoa da hori baino, kooperatiba izaerari
orokorrean eraketa eta funtzionamendu baldintzak erraztea eta arintzea; figura berezituak sortu
beharrean.
Brasilen orain dagoen banaketak kalte egiten dio kooperatibismoari.
Kooperatibismo tradizional eta enpresarial deituaren eta kooperatibismo
sozialaren arteko bereizketak ez du onik egiten. Bat eta bakarra behar du
izan kooperatibismoak Brasilen.
Printzipio eta baloreez batetik eta lege egoki batez bestetik, hornituko den kooperatibismo bat
behar da. Ez errentagarritasun eta irizpide ekonomiko klabetan oinarrituko den kooperatibismo
bat eta irizpide sozialetan oinarrituko den beste bat. Hartzen diren neurriak kooperatibismo
bakarraren, hots, soziala eta bideragarria izango den kooperatibismoaren beharren harira etorri
beharko dira.
OCB izan da diskurtso hori sortu eta zabaldu duena. Badela kooperatibismo bat, errentagarria,
eskalako ekonomia egiten duena eta bideragarria dena eta hor kokatzen ditu bere taldeko
kooperatibak. Eta badela, beste kooperatibismo bat, ‘asistentzialismoan’ oinarrituta dagoena,
behartsuena eta formazio eta gaitasunik ez dutenena, hau da, gaur Ekonomia Solidarioaren
baitan kokatzen dena. Bigarren hau da, kooperatibismoaren printzipio eta baloreekin egokien
uztartzen dena.
Kooperatibismoa bakarra da. Ez dira bi izaera desberdin, bi izaera batean baizik. Beraz,
kontraesana nabarmena izanik OCB-k planteatzen duena, albo batera laga behar dela uste
dugu. Honekin lotuta OCB-k proposatzen eta bultzatzen dituen Sozietate Sinple figurak,
kooperatibak ordezkatzeko aukera moduan ez ditut ikusten. Sozietate Sinple izaera kooperatiba
izaeraren ordez aukeratzeak ekimenok kooperatiben esparrutik kanpo lagatzea suposatzen du
eta.
347