62377

II. ATALA:
7.LEGE PROPOSAMENEN AZTERKET
Azkenik, 605 zenbakia daraman Senatuko proiektua, 1999ko azaroaren 5ean sinatu zuten
erakundeak ageri zaizkigu: CPT, CONCRAB, COTRIMAIO, DNTRCUT, Instituto de
Cooperativismo e Associativismo (SP), CERIS, COTEC (MG), APAEB (BA), VIANEI (SC),
CETAP, CEDAC, DESER, eta baita hainbaten ikerketa lanak ere Daniel Rech (CERIS),
Profesor Dinarte Belato (Universidade Ijuí), Vergílio Perius (UNISINOS) eta Marcelo Mauad
(UNISOL-Brasil). Denak egin dute ahalegina Brasilgo errealitate kooperatiboan oinarrizko
printzipio batzuk ezartzen eta batez ere, antolaketa, elkartze eta ordezkaritza askatasuna
bermatzen.
Eztabaida gobernuaren, sozietate zibilaren eta parlamentarien artean burutzen ahalegindu da;
tresna konstituzionalak erabili dira eta demokraziaren sendotzea eta parte hartze soziala eta
enpresa efizientzia osagarri egiteko borondatea egon da atzean.
Bi lege proposamenetan ikusteko aukera izan dugu zein diren errealitate kooperatiboaren
adiera bakoitzak dituen kezkak eta bakoitzak zertan nahiko lukeen aldatzea indarrean dagoen
legea.
7.1. KONTSORTZIOAK ETA PARTZERIA
Kooperatibak kooperatiba ez diren egituretan partehartzeko aukera izango dute, erantzukizuna,
harpidetutako kapitalera mugatua dutenean eta bere helburu sozialekin osagarri diren ekintzak
burutzen dituen egitura denean. Legeak ezarrita dituen mugak errespetatzen direnean
kooperatibak ‘kontsortzioak’ eratu ahal izango ditu.
Bazkide ez direnen parte hartzeak kooperatiban ezin izango du % 49ko muga gainditu. (hau da
gure legediak bitariko kooperatibetan akziokako zatiari ezartzen dion muga). Kontsortzioan
bazkide ez direnek duten parte hartzeak ez die bazkide direnen eskubide propiorik ematen;
kogestio ahalmen batzuk soilik emateko aukera izango da eta beti, ekimenarekin loturikoak.
Ekimenaren helburua izan beharko da kooperatibaren helburu sozialarekin osagarri.
Kooperatibak kontsortzioko kideekin eta azken hauek, bazkideekin buruturiko ekintzak ere ez
dute ekintza kooperatiborik sortuko.
Azken hauek izan dira ES-ren ekarpen edo proposamenak eta ekintza kooperatibo kontzeptua
zabalduko bada, egokia zehaztapenok sartzea. Beti azaldu izan dugu ekintza kooperatiboa
zabaltzearen aldeko gure jarrera baina, beharrezkoa da aurrez esan bezala, ‘lagungarri ‘ eta ‘
bitarteko ‘ terminoak zehaztea.
Ondoren OD-ren proposamenak jasotzen duena ere aurreko atalarekin guztiz loturik dago.
Parzeria edo Sozietate kontratua jasotzen du Osmarren proposamenak ez ordea beste biek.
239