62377

II. ATALA:
6. 4/93 LEGEAREN ETA 5.764/71 LEGEAREN ARTEKO ALDERAKETA
Ikasleen esanetan OCB-k kooperatibismo mota zehatz bat soilik ordezkatzen du. Nekazal
jarduera eta zerbitzu prestazioa batzen dituena. Eurak bai uste dute kooperatiba mota guztiak
ordezkatzen dituztela baina ez da horrela. Lur jabe handien kooperatibak defendatzen dituzte
eta nahi dutena da, kooperatiba handiak txikien gainetik jartzea. Baina gero eta gehiago dira
OCB-ren laguntzarik gabe aurrera egiten duten kooperatibak. OCB-ko kooperatibak
elitearentzako kooperatibak dira. Ez dira pluriklasistak baizik eta uniklasistak; ez dute onartzen
proletario batek latifundista batekin lan egiterik. Hauek dira OCB-k ordezkatzen dituen
kooperatibak eta horregatik da ezinbestekoa beste elkartze mota batzutan pentsatzen jartzea;
kooperatibismoa bere orokortasunean ordezkatuko duen egitura eta ez soilik indartsuenen
kooperatibismoa. CONCRAB aipatzen dute MST-ko kooperatiben ordezkari moduan eta
Ekonomia Solidarioko ekimenek momentuz batzen dituen egitura sendorik ez dutela ere
aitortzen dute. Argi dute Ekonomia Solidarioa berria dela oraindik eta gainera behar zehatzei
erantzuna bilatzera etorri dela; normalean jendeak bere bizibidea bilatzeko beharra ase nahi
izan da.
Azkenik diote Ekonomia Solidarioak ez duela gobernuaren aldetik laguntza handirik jasotzen.
Nahiz eta Paul Singerren Idazkaritza sortu den, ahalmen gutxirekin sortu dela diote.
Kontu jota OCB dela ordezkaritza kooperatiboaren atal honetan protagonista, ondoren,
Guilhermeren, - bertako aholkularia- iritzia zein den adieraziko dugu.
Hasteko eta behin, OCB Alemanian dagoen antzeko figura batekin parekatu du; organo honen
izena Organo de Cúpula para la revisión da. Bere esanetan ordezkaritza dagokionean ez dute
inolako arazorik. Garbi du bera OCB-ko aholkulari moduan mamu bat dela Ekonomia Solidario
eta ezkerreko mugimendu sozial guztientzako. Bera, abokatu intelektual gaizto moduan
irudikatzen dutela. Guilhermek dio mugimendu hauek kooperatiba kontutan neofitoak direla.
Hainbat kontutan gizarte zibilaren antolaketa, hegemonia gramiziarrean… hortaz ulertzen
dutela baina, kooperatiba kontutan ez dakite ezer. Euren kooperatibak dira txikiak, oso
esangura gutxikoak. Berak dio ezinbestekoa dela esperientzia izatea kooperatiben esparruan,
gai horretan adituak izateko. Oinarrizkoa dena ezagutzea ezinbestekoa dela.
Aholkulariak esan digunaren arabera, OCB-k ez du soilik ordezkaritza kudeatzen. Ordezkaritza
librea, askea da. Edozein organo edo entitatek izan dezake ordezkaritza. Hori ez omen da
arazoa. Berak bi arlo bereiztu ditu: bata ordezkaritza instituzionala deitzen dena, eta honek ez
du zerikusirik ordezkaritza politikoarekin; bigarren hau afinitate politikoarekin dago lotuta.
Ordezkaritza instituzionala Espainian Frankoren garaian asmatutako zerbait da, hau da,
kategoria ekonomikoaren araberako ordezkaritza. Brasilen irizpide hau indarrean dago oraindik.
Bere esanetan OCB ordezkaritza instituzionalaren batasun bat da. Badaki hainbatek ez dutela
ongi ikusten kontua baina, behar hori nabarmena dela dio berak. Adibide moduan jartzen du
bankuko langileen egoera. Bankuko langileak zein arauen arabera erregulatu beharko lirateke?
216