62377

II. ATALA:
8. OCB EUSKAL INSTITUZIO KOOPERATIBOEN IKUSPEGITIK
Kooperatiba primarioen kasuan, Institutuaren ekintza hauek sustatzera, estimulatzera,
aholkatzera zaintzera eta bultzatzera bideratu behar dira. Eta goragoko mailako entitateak eta
erakunde laguntzaileak beste hainbat funtzio har ditzakete bere gain Estatuaren laguntza
finantzario eta teknikoarekin. Harremanak kontratuzkoa izan behar du eta ahalik eta sistemaren
autonomia handiena bilatuz.
Kooperatibismoa bere kabuz moldatzeko gai da, baina hastapenetan oso ahula izaten da.
Ahultasun hori da Estatuak konpentsatu behar duena, zuzenean zein zeharka. Lehenak,
sustapen, estimulu eta kontrol izaera dauka. Bigarrenak nazio mailako ekintzen bidez bideratu
daiteke, institutu deszentralizatu, banku sistema eta sistema komertzialen bidez.
Institutuak bere lana trebetasun handiz burutu behar du; kontutan izanik helburua ez dela
kooperatibako kideen lana eurak burutzea, baizik eta eurak burutu ditzaten baliabideak
eskaintzea.
Estatuaren jarduerak koordinatzeko Institutuak esparru kooperatiboan jarduten duten egitura
pribatu garrantzitsuen lankidetzarekin kontatu beharra dauka.
Estatuak sustatzaile kooperatibo moduan bilatu beharko lituzkeen hainbat helburu:
- Demokrazia ekonomikoa sortzea.
- Lankidetza lanean ordenu guztietan askatasuna.
- Aldaketa soziala eta ekonomikoa.
- Ordenu eta bake sozialaren mantentzea.
- Sektore kapitalistaren aurrean indar kooperatibo eta sindikalen oreka politikoa.
- Kooperatiben bidez hainbat zerbitzu publikoren eskaintza.
- Ekonomia mistoko enpresa kooperatiboak bultzatzea.
- Hainbat enpresa nazionalen kooperatiba bihurtzea.
Carlos Londoñok ere azpimarratzen du esparru sozio- kulturalean Estatuak daukan papera;
batez ere, kooperatibismoa ikastera behartuko duen legeak ematera.
273