62377

II. ATALA:
6. 4/93 LEGEAREN ETA 5.764/71 LEGEAREN ARTEKO ALDERAKETA
eragozpen handi bat da eta sarritan, kopuru hau lortzeko zailtasunaren aurrean kooperatiba ez
aukeratzearen aldeko hautua egiten da. Hiru, bost edo zazpi izan daitezke kopuru egokiak.
6.12.2. Bazkide moten gainean
Bazkide laguntzaileak eta erabiltzaileak Brasilgo legedian sartzeak bertako kooperatibismoa
sendotzeko baliagarri izan daitekeelakoan nago. Bi bazkidetza motak elkarrizketatuengan
sortarazi duen beldurra gainditu daitekeelakoan nago. Bazkide moten gainean esperientzia bat
garatzeak, ibilbide historikoak sortaraziko beldurra gainditzen lagundu dezake. Kanpoko
edozein esku hartzeren beldur dira, beti ere mehatxu moduan bizi dutelako; ‘injerentzia’
bailitzan. Hala ere, bazkide mota hauek ekimen kooperatiboaren sendotzean lagundu
dezaketelako bazkide motak legean sartzearen aldekoan aiz.
6.12.3. Kooperatiba moten gainean
Elkarrizketatuen aldetik hainbat kritika azaleratu diren arren, bitariko kooperatiba legean
sartzearen aldeko proposamena egiten dut. Firgurak kooperatibismoaren purutasuna galtzen
duen arren, aukerak ere zabaltzen ditu. Finantziazio aukerak, erabaki ahalmena ponderatzeko
aukerak, kooperatiben arteko harremanak eta sareak sendotzea ahalbidetu dezake. Nahiz eta
kooperatiba mota honetan zati bat ez izan kooperatiboa eta kapital enpresen izaera izan,
gehiengoak kooperatiboa izaten jarraitzen du. Alderdi kooperatiboa lehenesten da. Beraz, kasu
honetan ere legeak figura hau jaso beharko lukeela uste dut.
6.12.4. Erregimen fiskal eta kontabilitatearen gainean
Kontabilitatea eta zerga erregimena ekintza kooperatiboak ardazten ditu eta nahiko sistema
konplexua da. Ekintza kooperatiboa izan beharrean bai zerga eta bai kontabilitatea egituratzen
dituena, pertsona juridikoak behar luke izan sistemaren ardatza. Zerga erregimena
sinplifikatzeak eta zerga ordaintzen duena pertsona juridikoa izateak sistema erraztea eta
ondorioz, betekizunak egoki betetzea ekarriko luke.
6.12.5. Eskakizun administratiboen gainean
Eskakizunak astunak eta garestiak direla uste dute bertako eragileek. Administrazio
betebeharren kostua eta zailtasuna arintzea, kooperatibismoari bultzada emateko beharrezkoa
da. Erregistroei dagokienez, kooperatibentzako berezia izango den erregistro bat da
beharrezko. Junta Komertzialak ez dute bermatzen beharrezkoa den objetibotasuna eta
Cartorioak berriz, irabazi asmorik gabeko egiturentzat daude eginak. Ez dut uste, kooperatibak
225