62377

ONDORIOAK
ONDORIOAK
Euskal kooperatiba ereduaren eta Brasilgoaren ereduaren historiaren errepasoak irakatsi digu
sorburu eta ibilbide desberdinak izan dituzten bi eredu direla. Oso abiapuntu eta ibilbide
desberdinak izan arren euskal ereduak egin diezaioke ekarpena Brasilgoari.
Ondoren atera ditugun ondorioak zerrendatu eta garatuko ditugu. Norabide berean denak ere.
Ondorioetan gure proposamenak jasotzen dira, beharrezkoa da ondoren, bertan eztabaidatu
eta onartuak izatea. Hala onartuko balitz.
Arrasateko Kooperatiba Esperientzia heldu da enpresa bideragarriz
osatutako talde bat izatera. Kooperatiba talde sendoa osatu du eta aldi
berean, Euskal Herriko errealitate kooperatiboa indartzen lagundu du.
Brasilgo kooperatibismoarentzat erreferente izan daiteke.
AKE Euskadiko 4/93 legean egite prozesuan eta ondorengo aldaketetan ere, protagonista izan
da eta egituratze kooperatiboan ere, partehartze aktiboa izan du. Bere errealitate eta talde
propioa sortzeaz gain, orokorrean eskaini dio babesa eta egin du ekarpena euskal errealitate
kooperatiboan.
Brasilgo errealitate kooperatiboa sendotzeko eta suspertzeko badauka AKE-k zer eskainia.
Honek ez du esanahi, zer ikasirik ez daukanik. AKE-k falta ditu seguruenik, Brasilgo Ekonomia
Solidarioan indarrean dauden hainbat zentzu edo motibazio iturri. Arrasateko esperientzia sortu
zenean bazegoen ingurumari zehatz bat, behar ekonomiko eta egoera politikoak markatuta eta
ondoren egon dira klabe inportanteak (partehartze integrala, interkooperazio mekanismoak,
efizientzia ekonomikoa eta sozialaren arteko oreka, pertsonetan oinarrituako egiturak..)
esperientziak izan duen emaitza izatera lagundu dutenak.
Gaur gure errealitatetik begiratuta Brasilgo errealitate kooperatiboa berregituratzerako
lagungarri izan daitezkeen hainbat elementu (lege kooperatibori egin dakiokeen aldaketak eta
egituratze edo antolamendu kooperatiborako proposamenak) daude. Behar egoeran dauden
sektoreak dira kooperatibak sortzeko ahalegina egiten ari direnak eta hain zuzen ere, hau izan
zen motorretako bat Arrasaten ere. Behar izan egoerak eraginda sortzea.
339