62377

II. ATALA:
8. OCB EUSKAL INSTITUZIO KOOPERATIBOEN IKUSPEGITIK
Hiru bazkidetza mota daude: Kide izatea: parte hartzeko botere edo ahalmen osoak dituen
bazkidetza mota hau da mota nagusiena. Asoziatua izatea: kooperatibak babesten dituzten
egiturak edo kooperatiben jabetzakoak eta hauek kontrolatuak diren egiturak dira.
Sektorekakoa: Egitura sektorialeko kide dira. Erakunde sektorialak NAK-eko filial edo adar dira
eta beraz, kide guztiak sektoreko kide gisa NAK-era afiliatuta daude. Hautagai diren kide
sektorialak NAK-en eskubide osoko kide izango dira.
Bai kideak eta bai kide asoziatuak euren edo euren kideen jarduera ekonomikoaren araberako
harpidetza bat ordainduko dute. Kide asoziatuek eskala baten arabera ordainduko dute. Kide
asoziatuek eta sektorialek NAK-eko egitura politiko erregionaletan eta globaletan ez dute boto
eskubiderik.
NAK-ko kidetza amaitzen da:
a) Administrazio Kontseiluaren erabakiz; bi urte jarraian harpidetza ordaindu ez denean.
b) Borondatezko bajagatik; urte naturala baino urtebete lehenago jakinarazi beharko du
erakundeak berak, eta arrazoia edozein delarik ere, urte osoko kuota ordaindu beharko
da.
NAK-ak daukan garrantzia kontutan izanik, egiturak daukan mezu eta irizpideak zein diren
ezagutzea beharrezkoa da. OCB NAK-ko kide izatera, egituraren mezuak betetzea
ezinbestekoa da. OCB estatutik sortu den egitura izan da eta gaur oraindik hari estuak
mantentzen ahalegin berezia egiten du. Administrazioaren eskuduntza eta funtzioak betetzen
ditu honek talka egiten du zuzenean gaur inoiz baino garrantzi eta traszendentzia gehiago
duten ‘independentzia eta autonomia’ printzipioekin. Goazen beraz, NAK printzipio honen
inguruan izan duen garapena zein izan den ikustera.
8.3.2. Barne krisia eta printzipio berriak
NAK-k biziko dituen krisien artean lau taldetan sailkatu daitezkeen arazoak edo krisi uneak
aipatuko ditugu: balore eta printzipioen arloan emandako krisia, barne funtzionamenduari
dagokiona, eta azkenik, izaera administratiboa dutenak eta organo erabakitzaile eta politikoekin
erlazionatuta daudenak. Krisi finantzario bat ere gehitu beharko zaio. Erakundeak plan bat
burutu beharko du aurrekontu oreka bideratzeko eta ondorioz, dituen baliabidetara egokitutako
jarduerak diseinatu beharko ditu. Bestalde eta amaitzeko Bigarren Mundu Gerra ostean
ezarritako sistema deszentralizatuak eta sektorializatuak ere garapen bat behar izango dute.
280