62377

I. ATALA: 2. EUSKAL KOOPERATIBISMOA
Jarduera desberdinak burutzen dituzten enpresez osatutako errealitate sozio-ekonomiko bat da.
Arrasateko Kooperatiba Esperientziak bere baitan ditu kreditu kooperatiba bat, aurreikuspen
sozialeko mutua bat, industri eta banaketa enpresa talde bat eta baita Unibertsitate
kooperatibo bat ere. Gaur egun mugimendua osatzen duten sozietate gehienak kooperatiba
dira nahiz eta badauden fundazio, sozietate anonimo eta erantzukizun mugatukoak ere. Eta
Esperientziaren nazioarteko hedapenaren ondorioz, sozietate anonimoak gehitzen ari dira.
Arrasateko Taldea osatzen duten kooperatiba batzuk euren jarduera esparrutan posizio
garrantzitsuak betetzen dituzte, Fagor Etxetresnak esate baterako. Hala ere taldea osatzen
dutenen artean badira enpresa ertain eta txikiak ere.
Korporazioa osatzen duten oinarriko kooperatibak izaera sektorialeko Dibisiotan daude
banatuta. Dibisio hauek merkatuari begira hiru Talde handitan sailkatzen dira: Finantza Taldea,
Industria Taldea eta Banaketa eta hauekin batera Ezagutza arloa. Finantza arloan izen bera
daraman Dibisioan sartzen da eta banka, aseguruak eta aurreikuspen sozialeko jarduerak ditu
bere barnean. Industria arloa ehunka enpresak osatzen dute, izaera sektorialeko hamabi
Dibisiotan banatuta. Banaketa arloa Dibisio bakarrak osatzen du eta banaketa komertzialak eta
jarduera agroalimentarioak osatzen dute. Ezagutza arloan bi erakunderen lana azpimarratu
beharra dago: Hezibide eta Gizabidea fundazioa.
2006an MCCko salmentak 13.390 eurotakoa izan zen eta hauetatik % 29,09a kanpo merkatuan
sortuak izan ziren. Lagun Aroren emaitzak kontutan hartu barik, emaitzak 2006an 677 milioi
eurotakoak izan ziren. MCC-ren Azterketa Ekonomikorako Unitateak eginiko txostenean Euskal
Komunitatea Autonomoan izandako eragin sozio-ekonomikoa, Barne Produktu Gordinaren- %
4.1koa izan zen eta % 8.5koa industria arloan. Gipuzkoan tasa igo egiten da % 16.1era.
Korporazioak burututako esportazioak 2006an % 13.2koak izan ziren.
Gaur Arrasateko Kooperatiba Esperientzia eta ondorioz, euskal kooperatibismoa mundu mailan
erreferente direla esan daiteke. Muskulu ekonomikoa garatzearen ondorioz, enpresa
kooperatibo errentagarriak egin ditugu. Enpresa bideragarriak dira eta enplegu asko sortu dute;
bai Euskal Herrian eta baita munduko hainbat herrialdetan ere. Euskal Kooperatibismoaren
erreferentzialtasuna baliatuz luzatuko ditugu beraz, geroago etorriko diren proposamen eta
ekarpenak. Ezin da aipatu gabe utzi, muskulu ekonomikoa garatzen lan asko egin den bitartean
soziala izan dela zaindu eta garatu gabe geratu dena eta hemen dagoela orain esperientziak
duen erronka nagusiena.
38