62377

II. ATALA:
8. OCB EUSKAL INSTITUZIO KOOPERATIBOEN IKUSPEGITIK
dituztela eta laburtuz, garapen ekonomikoa lortu dutela. Kontrako efektua ere izan du
interbentzioak: izaera demokratikoa galdu araztea adibidez. Azken honek basearen motibazio
eta interes falta sortarazi du, gobernuak egitura kontrolatu duelako. Eskuhartzearen ondorio
izan da kooperatibak tamainaz handitu izana baina, izpiritua pobretzea. Hori da kooperatibak
Estatuarekiko harremanean bilatu beharreko orekaren klabea.
Garbi izan dute Aliantzako liderrek, ezinbesteko baldintza dela Mugimendu Kooperatiboaren
garapenerako, hauek euren gobernuekiko autonomia mantentzea 211 . Beti garbi izanik,
beharrezkoa dela gobernuen babesa izatea. Bai Saxenak eta bai Thordarsonek beharrezkotzak
jotzen dute gobernuaren eragina Kooperatibismoarentzako legedi eta baldintza egokiak lortu
ahal izateko. Eta harmonia bilatu beharra gobernu interbentzio eta antolaketa kooperatiboen
autonomiaren artean. Babesa bai baina, kooperatiben kontrol eta independentzia galdu arazten
duten gehiegizko interbentzioa ekidinez.
1992ko Tokyoko Kongresura arte gai gatazkatsua izango da helburu biak uztartzearen kontua.
Müknerrek dio zaila dela elkarlaguntza bultzatzea kooperatiben oinarrizko izaera ukitu gabe.
Honen ondorioz, Identitate Kooperatiboari buruzko Adierazpenean gai zentrala izango da.
Deklarazio aurreko lanetan, beharrezko ikusten da, kooperatiben eskariz, autonomia printzipio
eta baloreen artean kokatzea. Suven Ake Böok izango dela pausu bat aurrerago joatea
proposatuko duena. Autorearen ustez ez da nahikoa izango dagoeneko existitzen zen printzipio
batera murriztea eta printzipio kooperatibo bereizi bat jasotzea proposatuko du.
Independentzia aldarria kooperatiba afrikarren eta asiarren eskaera den arren, laugarren
printzipio horren atzean badira baita europar esparruko hainbat esperientzien eskaerak ere.
Lehiakortasuna gero eta bortitzagoa den garaietan, gainerako enpresekin parekotasunean
lehiatu ahal izateko eta kapitala eskuratzeko zailtasunen aurrean, kooperatibak egiten dituzten
aliantzetan independentzia eta identitate kooperatiboa mantentzea ere jasoko luke printzipioak.
Era honetan Ake Böok-ek autonomiari lotutako honako ideiak adierazten ditu 212 :
211 Aliantzako zuzendariaren, Bruce Thodarsonen, Estocolmoko Kongresuan eginiko adierazpenak.
212 ALIANZA COOPERATIVA INTERNACIONAL, Declaración de la Alianza Cooperativa Internacional
sobre Identidad Cooperativa, Vitoria, CSCE, 1995.
291