62377

II. ATALA:
7.LEGE PROPOSAMENEN AZTERKET
sistema bakarrean afiliazioa egitera behartzen duen edozein lege, konstituzio kontrakoa
litzateke.
Bestalde, Konstituzio Federalaren 174 artikuluko 2 atalak estatuari kooperatibismoa eta
asoziazionismoa bultzatzeko eta sustatzeko agindua ematen die 153 . Lege agindu hau kokatu
behar da Estatuak duen jarduera ekonomikoa arautzeko paperaren baitan.
Kooperatibismoaren historia humanitatearen historiarekin guztiz erlazionaturik aurkitzen da;
aliantza eta pertsonen arteko elkar laguntzak markaturik. Gaur egungo ereduari jarraituz
sortutako kooperatibak XIX (1844) mendekoak dira; Alemanian eta Ingalaterran sortuak,
kapitalismoaren hasieran langileen esplotazio gogorraren aurrean langileek hartutako
erabakiaren ondorioz. Ekoizpena eta kontsumoa modu solidarioagoan antolatzea zen helburua.
Brasilen antolaketa eredu hau, XX mendeko lehen urtetan hasiko da, europar inmigrazioarekin
batera.
Lege- proposamenaren ardatz diren printzipioak mundu osoan barrena hedatuta daude eta
hauek dira: sarrera librea eta atxikipen askea; antolaketa demokratikoa; diskriminaziorik eza
(arrazoi politiko, erlijioso, arrazazko eta sexualak direla eta); irabazi asmorik ez duen sozietate
zibila; nagusiki jarduerak bazkide direnekin burutzea eta antolaketa eta afiliazio askatasuna.
Esan berri duguna kontutan izanda ondorengo datuak ematen dituzte justifikazio atal honetan:
nabarmentzen diren kooperatibak dira ekoizpena, kreditua, kontsumoa, lana, etxebizitza,
elektrizitatea, nekazaritza, hezkuntza, arrantza, zerbitzuak… Lan Ministerioaren baitan dagoen
Ekonomia Solidarioko Idazkaritzak 2006an burututako bigarren mapa batean honako hauek
azaltzen zaizkigu: ekonomia solidarioko 15.000 ekimen, hautatik % 10 kooperatiba eran
antolatuta, gainerakoak elkarte eran edo modu ez formalean antolatuta.
Ekimen hauetatik nekazaritza esparru dutenak % 50,1, hirigunetan jarduera dutenak berriz %
32,70 eta % 17,11ak jarduten dute hiri eta nekazaritza esparrutan. Kooperatiba hauek,
kooperatiba berezi moduan klasifikatuak izateko arrazoiak badaudela deritzogu. Nagusiki,
dituzten zailtasunak eta eragozpenak.
153 ‘ a lei apoiará e estimulará o cooperativismo e outras formas de associativismo’
238