62377

II. ATALA:
6. 4/93 LEGEAREN ETA 5.764/71 LEGEAREN ARTEKO ALDERAKETA
Azken berrien arabera esan genezake finantza baliabide hauen erabilera ez dela
zuzena izan. Arrazoi guzti hauengatik beharrezkoa litzateke diru-poltsa hau zabaltzea.
Ikuspegi juridikoari dagokionez ere Brasilen publikoak diren finantza poltsa desberdinak
daude baina guztiak ere jardueraren arabera banatzen dira; merkataritza, industria…
eta bakarra da pertsona juridikoaren izaeraren arabera sortzen den poltsa. Ez dago
poltsarik Sozietate Anonimoentzako, ezta Erantzukizun Mugatuko Sozietateentzako ere
baina badago finantza publikoa Kooperatibentzako. Merkataritza, industria, nekazal ...
fondoekin batera OCB-k lortu zuen fondo bat sortzea sozietate motaren araberakoa
izango zena eta ez burutzen zen jarduera motaren araberakoa. Honek erakusten du
finantza poltsa honen konstituzio-kontrakotasuna. Eta horregatik dago politika de fato
consumado delakoa indarrean; diru poltsa sortu, erabili eta ondoren epai bideetara
eraman. Erantzuna oso epe luzera etorri daiteke gainera. Tribunal Federalak bere
erantzuna bost, hamar edo hamabost urte pasa ostean eman dezake ‘.
Marcelo Mauad-en adierazpenak nahikoa esanguratsuak dira. Gaur egun Brasilen dagoen
formazio kooperatiborako finantziazio iturrien konstituzionaltasuna auzitan egotea adierazgarria
da. Nahiz eta gaia epaitegian egon garbi dago dagoneko kooperatiba batzuk soilik direla diru
baliabide hauetaz baliatzen ari direnak eta beste asko kanpo daudenak.
6.12. ONDORIOAK
Errealitate kooperatiboaren gainean lege kooperatiboak duen garrantzia kontutan hartuta eta
atalez atal, egin dugun azterketatik honako ondorio hauek atera genitzake:
6.12.1. Eraketarako gutxieneko eskaeren gainean
Kooperatibaren eraketarako eskatzen den gutxieneko kapital sozialari dagokionez, gutxieneko
bat eskatzearen aldeko eta aurkako iritziak entzun ditugu. Gutxieneko kapital bat eskatzearen
alde egiten dut nik, nagusiki bi arrazoigatik: proiektu edo ekimenen oinarria sendotzen duelako
batetik eta bazkideen inplikazioa areagotzen duelako bestetik. Hala ere, sektore eta esparru
zehatz batzuetako ekimenek beharrezko dute laguntza gehigarri edo berezi bat jasotzea.
Politika publiko egoki bat izatea beharrezkoa da. Politika publikoak finantziazioa bideratu
dezaketan banku publikoen politikekin alineatuta egon behar dute. Hemen interesgarria da
BNDS (banco de desemvolbimento) eta SENAES-ek (Secretaria de Economía Solidaria)
elkarrekin hasi berri duten formazio eta elkar ezagutza bidea. Biek elkarrekin burutu ditzaketen
ekintzak eragin dezakete koordinatutako babesa eskaintzea ahulak diren ekimenei.
Kooperatibaren eraketarako beharrezkoa den gutxieneko bazkide kopuruaren gainean, bazkide
kopuru baxua eskatzearen aldekoak gara. Kooperatiba eratzeko hogei bazkide eskatzea
224