62377

II. ATALA:
6. 4/93 LEGEAREN ETA 5.764/71 LEGEAREN ARTEKO ALDERAKETA
Marcelo Mauad Unisol-eko ahokulari juridikoaren esanetan zazpi da eskatu beharreko bazkide
kopurua:
‘Guretzat zazpi da kopuru egokia eta OCBrentzat berriz hogei. Eurak kooperatiben
merkatua kooperatiba handientzat erreserbatu nahi dute. Ez dute argi. Hasieran eurak
ere zazpiko proposamena egin zuten baina erabaki zuten blokeo eta eragozpen
estrategiari ekitea, eta orduan erabaki zuten bazkide kopurua igotzea; jakinik Ekonomia
Solidarioko ekimenek arazoak izango zituztela kopuru hori lortzeko. Beldur ziren
Ekonomia Solidarioko ekimenak gora zihoazelako ’.
MCC-ko delegatuak ere ongi ikusten du zazpi kide eskatzea. Bere esanetan Sozietate
Anonimoak eratzeko ere, legeak zazpi bazkide eskatzen dituenez kooperatibak ere baldintza
berbera izatea da zuzenena. Hala ere, kopuru baxuago bat ere ez luke gaizki ikusiko.
Erantzukizun Mugatuko Sozietateak eratzeko bi bazkide eskatzen dira beraz, bi ere zenbateko
egokia litzatekeela dio.
Ekonomia Solidarioaren baitan kokatuta egon arren, Reitor ANTEAG-eko aholkulariak
bestelako iritzia dauka:
‘ Niretzat hau ez da arazo larri bat. Zazpi bazkiderekin kooperatiba bat eratzea baino
hobe da mikro enpresa bat sortzea. Kooperatiba eratzeko baldintzak baldin badituzu ez
zaizu axola 15 ala 20 kide diren. Hori baino kopuru gutxiagorekin baldin bazabiltza hobe
da mikro enpresa bat sortzea ’.
Bazkide kopuruari dagokionez beraz, ANTEAG-k OCB-ren iritziarekin egiten du bat. ANTEAGek
ere tamaina txikiko ekimenak direnean ez du uste kooperatiba sortzea denik aukera
egokiena. Bazkide kopuru txikia duenean ekimenak hauen ustez ere hobe da Sozietate Sinple
figura aukeratzea. Kooperatibaren izaerak eta filosofiak bazkide kopuru handiago eskatzen du
hauentzat.
UFDR-ko ikasleek ere hogei bazkide larregi dela uste dute. Ikasle hauetako batzuk MST-ko
kooperatibekin egiten dute lan eta euren esanetan, sarritan, hogei bazkide eskatzea izan da
eragozpen nagusietako bat kooperatibak eratzerako orduan. Horretaz gain euren esanetan,
Herri Ekonomietako Kooperatibak sarritan emakumeek bultzatuak izaten dira eta hauek batez
ere, etxeko ekonomiari laguntzea dute helburu. Kasu hauetan ere, hogei emakume biltzea zaila
izaten da. Bazkide kopuruaz gain, beste zailtasun batzuk ere mahai gaineratu dituzte,
eskakizun formalena besteak beste. Garbi dute kooperatiba eratzeko dauden betebehar
formalak zuzen jarraitzea kontu zaila dela.
Azkenik bazkide kopuru gutxiengoaren inguruan hausnarketa interesgarri bat egin dute:
163