62377

II. ATALA:
6. 4/93 LEGEAREN ETA 5.764/71 LEGEAREN ARTEKO ALDERAKETA
Salbuespen hauek aukera eskaintzen dute, salbuetsiak izan diren kooperatiba mota hauen
berehalako eta iraunkorra izango den biziraupena bermatzeko eta Proiektuaren onarpenak,
ikuspegi zabalago bat eskaintzen du; patroi baxuagotan eskulanaren terzierizazio ordaindua
onartzea. Lana terzierizatzen duten kooperatibak bihurtuko lirateke lizitoak edo legalak.
Gaur mahai gainean dagoen Lege Proiektuaren onarpenak kooperatibismo ofizialetik kanpo
dauden kooperatiben baztertzea suposatuko luke. Salbuespenak, onartuko balira, ekonomikoki
ahulak diren kooperatiba mota gisa kontsideratuko lirateke, izaera sozialeko kooperatiba gisa,
eta beraz, barneratze sozialeko politika publikoen jasotzaile izango lirateke, hirugarren
sektoretik gertu. Hori da hain zuzen ere gaur kooperatibismoaren sektore batek lortu nahi
duena; kooperatiba forma sozietarioaren sinplifikazioa lortuz.
Epe ertainera izango lituzkeen ondoriotako batzuk: a) diskurtso kooperatibista hegemonikoaren
mantentzea OCBren eskutik; nekazal- enpresaritzako kooperatiba handiak, eskulanaren
terzierizazioa egiten duten kooperatibak (Proiektuak onartuak) eta produkzio industrialeko
kooperatibak (UNISOL/CUT) batzen dituena. b) bigarren talde batean leudeke pauta
kooperatibistatik kanpo, SESCOOP eta PRONACOOP-ko baliabideetatik kanpo eta MDS-ren
barneratze (inklusio) politika publikoen menpe salbuespen gisa onartuak izan diren egiturak.
CONCRAB-en perfila esate baterako ez litzake erreza izango inon kokatzea.
Proiektuak ez du aurreikusten salbuespen egoerak kasuistikoki ez jasotzea. Kooperatibak
dituen bazkide kopuruaren arabera egitea irizpide bat izan zitekeen.
Modu berean ez zen eztabaidatu teknikoen edo profesio liberalen eta aholkularitza teknikoko
kooperatiben gaia (CONTRARA, AMBIENS…). Kooperatiba hauentzat komenigarria da
7.009/06 Lege proiektuko I ataleko 7 artikuluan azaltzen den kategoria profesional
kontzeptuaren esanahia zein den zehaztea. Eztabaida hau ez zen inolako unetan eman. Ez zen
egon ezta Proiektuaren definizio politiko edo juridikorako oinarrizkoak ziren kontzeptuak
argitzeko abagunerik ere; orduen konpentsazioa, edo (II ataleko, 7 artikuluan) orduen bankua,
edo eta, ebentual (Proiektuko 7 artikuluko, I) kontzeptuak eztabaidatzeko ere.
Legeko 7 artikuluko 4 pasartean jasotzen den In natura ordainketak egiteko aukera ere ez zen
onartu. Kooperatiben erregistroa Junta Komertzialetan egiteko derrigortasuna ez zen
eztabaidagai izan. OCB-k ez du zalantzan jarri ere egiten enpresa izaerako sozietate guztiak
erregistroa Junta Komertzialetan egiteko dagoen obligazio, ondorioz, ez zen eztabaidatzeko
aukerarik izan. Nahiz eta aurrez aipatuak ditugun Junta Komertzialetan erregistroak egiteak
dauzkan hainbat eragozpen, Ekonomia Solidarioaren inguruko kooperatibentzat.
Zegokion espazioan eztabaidatu ez ziren eta, Lan Kooperatiben etorkizunerako garrantzitsuak
diren hainbat puntu aipatuko ditugu ondoren: a) autogestio kooperatiborako mekanismo
230