62377

II. ATALA:
6. 4/93 LEGEAREN ETA 5.764/71 LEGEAREN ARTEKO ALDERAKETA
‘ Horrenbeste kide eskatzeak ez du zentzu handirik besteak beste, denek ez dutelako
parte hartzen kooperatibaren gestioan. Gutxi batzuk dira benetan arduratzen direnak
kooperatibaren martxa eramateaz. Hogei kiderekin ez da lortzen lan eta antolaketa
kolektibo bat aurrera eramatea, ez da posible hogei kideen iritziak kontutan hartzea
gestioa eramaterako orduan. Gestio demokratiko bat aurrera eramatea hogei
bazkiderekin zaila da ’.
Argi dago kooperatibaren tamainak baldintzatzen duela gestioan zuzenean inplikatzea
kolektiboa. Gurean ere hau gertatzen da ehundaka bazkide dituzten kooperatibetan delegazioa
ematen da bai exekutiboan eta bai gainerako organo sozialetan ere. Ez da posible gaur
merkatuak dituen baldintzetan kooperatiban bazkide guztien partehartze zuzena izatea
gestioan. Hala ere, oreka da bilatu behar dena zuzeneko partehartzearen eta bazkidearen
inplikazioa guztiz galtzearen artean.
Honela jarraitzen du euren erantzunak:
‘ Gure errealitatea eta zuena oso desberdinak dira. Zuen kooperatibetan bazkideak ez
du inoren menpe dagoenaren sentsaziorik nahiz eta bere parte hartze zuzena
kooperatibaren kudeaketan ez handia izan. Baina Brasilen gauzak oso bestelakoak
dira. Hemen kapitalismoa indartsu ari da jotzen eta lana ahalik eta merkeen egiteko
eskatzen zaio langileari. Gure kooperatibetako bazkideak ez dute kontzientziarik eurak
direla ekinbidearen ugazaba; beraiek direla kooperatiban agintea dutenak. Aipatu
ditugun arrazoiengatik da guretzat horren inportantea bazkideak gestioan parte hartzea
eta berak duen erabaki ahalmena egikaritzea. Hain zuzen ere arrazoi horregatik uste
dugu hogei bazkideko kopurua muga handi bat dela kooperatibaren gestio
demokratikoa era eraginkorrean eraman ahal izateko. Ez dakit oso ongi nik ere baina
lau edo bost izan daiteke kopuru egokia.
Hogei kide eskatzea eragozpen denaren adibide ditugu Catadores de Cartón
deiturikoak. Hauek kooperatibak sortzeko bi eratako eragozpenak izaten dituzte: batetik
zerga arrazoiak. Bestetik berriz, ez dutelako hogei bazkide biltzerik lortzen ’.
Ikasleen erantzunetatik beraz bi arrazoi desberdindu genitzake; kopuru altua lortzea zaila izatea
bata. Hau guztiz ulergarria eta onargarria da. Hogei bazkideren inplikazioa bilatzeak duen
zailtasuna berriz, ez da arrazoi sendo bat. Gaur egun hogei bazkideko kooperatiba bat erraz
kudeatu daiteke eta erraz lor daiteke bazkideen interesa piztea, ez baita kolektibo handi eta
maneia ezina. Inplikazioa lortzea gauza bat da eta mendekotasunari dioten beldurra beste bat.
Bazkideak kooperatiba kontrolatzen badu eta horren sentipena badu ez du inork bere ordez
erabaki dezan utziko. Gutxiago kapitalak. Beraz gakoa ez da hogei bazkide izatea, bazkideen
164