62377

II. ATALA:
7.LEGE PROPOSAMENEN AZTERKET
kooperatibak OCBra egin beharreko ekarpena zein den finkatzen du; urtero apirilean
ordainduko da eta %2koa izango da (ez dakigu portzentaia zeren gainean aplikatzen den). Eta
esaten du baita, jasotako kopuru osoaren erdia OCB-ren egitura zentralean geratuko dela eta
beste erdia federazio egituretara bidaliko dela. ES-renak ez du ekarpen kooperatibistari buruz
hitz egiten.
Bi proposamenak antzerako edukia duten arren diferentzia batez ere eskuduntza zerrendan eta
egitura beraren izaeraren gainean daudela esan behar da. OD-en proposamenak erregistro eta
bestelako formaltasunen betearazpena esleitzen dizkio ordezkaritza egiturari, hau da OCB-ri.
Eta ES-ek ez ditu eskuduntzok sartzen eta gainera irekita usten du kooperatiben ordezkaritza
egiturak zabaltzeko aukera. OCB-rena da gaur errealitate kooperatibo Brasildarrak daukan
gatazka nagusienetako bat eta artikulu hau dugu egoera horren adierazpidetako bat.
Ondoren OD-en proposamena Xedapen Iragankor eta Orokorretara pasatzen da baina, ESrenak
berriz beste bi atal gehitzen ditu. Kooperatiben Zertifikazioez hitz egiten du aurrena.
Kooperatibarekin bat egiten duenaren ziurtagiria edo litzateke proposamenak aipatzen duena.
Ziurtagiriok ordezkaritza egiturak jaulkiko lituzke; estatuko egiturak hain zuzen ere. Eta botere
publikoak ere bere aitorpena edo onespena eman beharko du. Ondoren prozesu bat finkatzen
du proposamenak. Ziurtagiria hiru urtean behin berritu beharko da, organo eskuduna den
ordezkaritza egiturak errolda edo katastro bat eraman beharko du…
Ziurtagiri hau ez du gure legediak jasotzen eta hemengo egiturak, batez ere kooperatiben
federazioek ez dute jaulkitzen izaera honetako ziurtagiririk. Gure kasuan ez da beharrezkoa,
egitura publikoek beraien funtzioa betetzerakoan kooperatiben gainerako kontrola egoki
eramaten dutelako. Brasilen neurri bat gehiago beharrezkoa dela uste bada, ez dugu aukera
hau baztertzen.
Ordezkaritzaren gaineko atala amaitzeko gobernuaren aurreproiektuak jasotzen duena
kontutan hartu beharrekoa da. Aurreproiektuak bere azken xedapenetan kooperatiben
ordezkaritza askearen aldeko hautua egiten du 162 .
162 Aurreproiektuaren azken xedapenak: 48 art. É livre a organizaçao de sistemas de representaçao de
sociedades cooperativas.
244