62377

II. ATALA:
6. 4/93 LEGEAREN ETA 5.764/71 LEGEAREN ARTEKO ALDERAKETA
Aitortzen du gaur Brasilen kooperatibismoaren gainean dagoen eztabaida nagusia hain zuzen
ere, hori dela, ordezkaritza ofizialarena. Nork duen kooperatibak ordezkatzeko legitimitatea.
Kooperatiba txikiak, handiak, asentamenduetakoak, Ekonomia Solidarioaren baitakoak …
OCB kooperatiba zehatz batzuek ordezkatzen dituen egitura bada bere kezka da ea zein den
gainerako kooperatibak ordezkatzen dituena. UNICAF izan daiteke aukera baina, berak dio ez
dagoela nahikoa adostasun mugimendu sozialen aldetik. Brasilen estatu osoko ordezkaritza
izatea oso garrantzitsua da bere esanetan; negoziatzerako orduan garrantzia eta pisua duelako
ordezkaritza orokorrak. Adaok esan digunez MST-ren ingurukoak zalantzak dituzte gaia
jorratzerako orduan. Ordezkaritza ofizialean sartuz gero, Gobernuarekin harreman
instituzionalak izateko beharra edukiko lukete. Bestalde berriz, garbi dago OCB edozeini
kooperatibetan sarbidea ukatzearen alde dagoela. Egoerari erreparatuz berriz, gero eta
gehiago dira OCBn bazkidetza egin barik kooperatiba izaera hartzen duten kooperatibak.
Orokorrean esan genezake trantsizio egoeran gaudela Kooperatiben ordezkaritza ofizialari
dagokionean. Historiak eta legeak OCB-ri emandako ordezkaritza eta legitimitatea amaitze
bidean daude. Legea aldetik Konstituzioak ekarri zuen aldaketa esanguratsua eta legitimitateari
begira, praktika da egoeraren erakustoki. Elkartzeko aniztasuna egonik egitura bakoitzak
erabakitzen du bazkidetza non egin eta baita egin ala ez.
6.11. SESCOOP ETA FORMAZIO KOOPERATIBORAKO LAGUNTZAK
1988ko urriaren 1ean Medida Provisória 1.715aren bidez SESCOOP sortu zen, Serviço
Nacional de Aprendizagem do Cooperativismo. Erakunde honen zuzendaritza gauzatuko duen
Batzorde Nazionala egongo da ministerio desberdinetako bost kidez (Lan Ministerioa,
Aurreikuspen Soziala, Ogasuna, Planeamendua eta Nekazaritza Ministerioa) eta OCBko beste
bost kidez osatuta; bai eta langileen ordezkaritza izango duen beste kide batek ere. SESCOOPn
lehendakaritza izango du OCBko lehendakariak.
Aurreikuspen Neurriak (medida provisoria) derrigorrezko ekarpena ere sortu zuen, eta neurri
hau kooperatibek onartu zuten 1999ko urtarrilaren 1ean. Arau honen arabera beraz,
kooperatibak derrigortuta egongo dira langile guztiei ordaintzen dieten zenbateko osoaren %
2,5 ordaintzera. Ordura arte kooperatibek bazituzten formazio zerbitzuak finantzatzeko hainbat
kontribuzio, (SENAI, SESI, SENACS, SESC, SENAT, SEST eta SENAR) eta neurri hau
obligazio hori ordezkatzera etorriko da. Zorionez ez die kooperatibei inolako ekarpen
gehigarririk eskatuko.
Nahiz eta neurriak ez duen lege izaera hartu jarraitu du editatua izaten 2001. 08. 24 arte,
Aurreikuspen Neurri moduan. Indarra izan du eta Kongresu Nazionalak ere aitortu izan du;
219