62377

II. ATALA:
6. 4/93 LEGEAREN ETA 5.764/71 LEGEAREN ARTEKO ALDERAKETA
kooperatiba bide edo tresna bakarra. Kogestioa ere ongi ikusten dugu, baina kontu izan
behar da portzentaiekin. Arriskua dago hor ere langilea esplotatua izateko ’.
UFDR-ko ikasleei galdetuta ere zalantzak aurkeztu dituzte. Lehenik eta behin zalantza ugari
azaldu dituzte ezagutzen ez duten figuraren inguruan. Ea zein diren orokorrean dauden
inplikazioak? Noraino hartzen duen parte kapitalak gestioan eta kooperatibako soberakinetan
zein parte jasotzen duen kapitalak. Euren esanetan nahiz eta araudiak ez duen Brasilen figura
hori baimentzen, kapitala ailegatzen da berdin kooperatibaren kudeaketan parte izatera. Garbi
dute bitariko kooperatiban proiektua osatzen dutenen adostasuna bilatu behar denez azkenean,
akziodunen adostasuna ere bilatzera jo beharko litzatekeela eta ondorioz, kanpoko agente
baten adostasuna ere lortu beharko litzatekeela. Akziodunen adostasuna bilatzea Estatuaren
esku hartzearen parekoa litzateke euren esanetan.
Langile eta bazkide denaren perfila ahula denean normala da beldur hau izatea. Aldiz, langilea
sendoa eta bere buruaren jabe denean, kanpoko esku hartzearen beldur izatea zailagoa da.
Eurak diote langile ahula eta inoren menpe izatearen beldur dena dutela batez ere inguruan.
Hainbat lekutan langile ahul mota aurkitu daitekeela baina, badela baita Ekonomia
Solidarioaren baitan sendoa den langile perfila ere.
Ikasle batek kooperatibismoak bete beharko lukeen funtzioaren inguruan egin du hausnarketa.
Galdera luzatu: kooperatibismoak zertarako balio du? Kooperatibismoa bera da helburu?
Ikaslearen esanetan kooperatibismo popularra MST-n, tresna bat baino ez da; formazio politikoideolojikorako
tresna eta baita langile klasearen emantzipaziorako ere. Proiektu sozialistaren
baitan kokatzen dute eta ez dute inolaz ere nahi, partzeria edo sozietate kontraturik egiterik
enpresa kapitalistekin. Euren nahia litzateke Ekonomia Solidarioak kapitalismoak hartuta dituen
espazio guztiak hartzea. Onartzen dute agian kooperatiba denak ez luketela zertan ezaugarri
hori izan, baina gizarte proiektu bat bada, kooperatibismoak tresna lagungarria beharko lukeela
izan helburu horretara ailegatzeko.
Esandakoaz gain, ez dago ezer askorik aipatzeko. Berria den zerbait aipatzearren esan daiteke
badagoela kooperatiben tipologiak zabaltzeko eskaera bat; legeak jasotakoez haratagoko
aukera zabaltzeko eskaera bat. Eta bestetik azpimarratu esandakoaren laburpen gisa
Ekonomia Solidarioko eragileen perfila zein den ikusita bitariko kooperatibaren formula nahiz
eta interesgarria dela iruditu, badagoela kanpoko eragileak sartzeko beldur bat.
6.7. BAZKIDEEN LAN ERREGIMENA: LAN ERREGIMENIK EZA
Produkzio kooperatibak lan bazkideen esku dauden kooperatibak dira- lan bazkideak autonomo
dira- euren kontura lanean diharduten beharginak direnez, enpresari edo autonomoen
erregimena dute eta ondorioz, behargin autonomo hauez osatutako kooperatibak karga sozial
195