62377

II. ATALA:
6. 4/93 LEGEAREN ETA 5.764/71 LEGEAREN ARTEKO ALDERAKETA
UNISOL-eko Marcelo Mauad-ek arriskutsua den figura moduan hitz egin digu gure bitariko
kooperatibari buruz 138 . Hasteko, kooperatiba mistoak eurentzat duen esangura zein den
adierazi digu eta behin gure figura zein den azaldu ostean, bere erreakzioa tentuz aztertu
beharreko mota dela esatea izan da. OCB-ren eskutik etorri omen da figura hau sartzeko
proposamena eta ondorioz eurak erreserbak eta zalantzak dituzte. Beldur dira, tresna honen
bidez, ez ote den ahalbidetuko enpresa kapitalistek kooperatiba mota hauek kontrolatzea.
Kapitalak kooperatibaren gaineko kontrola hartzen baldin badu, kooperatiba izaera galtzeko
arriskua egon daiteke. Bestalde, aitortzen du, negozio ikuspegitik kooperatibetan kapitala
sartzeko dauden ezintasunak ikusita aukera interesgarria ere izan daitekeela. Adibidez, aukera
ikusten du enpresekin kontsortzioak sortzekoa. Baina beldur dira, Ekonomia Solidarioaren
egoera zein den ikusita, kooperatiba hauetan kapitalak enpresa kooperatiboaren kontrola
izateko aukera handia delako.
MCC-ko kooperatibak figura hau erabiltzearen inguruan galdetuta, bere erantzuna beste
formula egokiagoa bat proposatzea izan da; Fagor eta Brasilgo enpresak kogestio eran
funtzionatu beharko luketela uste du. Biek hainbat esparrutan autonomia izan eta beste hainbat
eskuduntza kudeatzeko hirugarren enpresa bat sortu beharko luketela uste du. Bien artean
sortutako hirugarren enpresa hau litzateke kapital enpresa eta ahalbidetuko luke kogestio bidez
egituratzea euren arteko harremanak. Desabantaila moduan aipatu beharko genuke, kapital
enpresa izatera, ez lukeela abantaila fiskalik izango.
Ibrahim-ek bitariko kooperatiben inguruan galdetzean adierazi digu bere ustez nahiz eta formula
hau kooperatiba arrunta erabiltzea baino errazagoa den, ez dela berak gogoko duen formula
bat. Lanaren soberania aldarrikatzearekin ez omen dator oso bat formula. Kapitalean parte
hartzen duen kooperatibaren kasua ‘farsa’ bat da bere ustez.
ANTEAG-ko aholkulariari galdetu berak honela erantzun digu:
‘ ANTEAG-k ongi ikusten du figura; guk ez baitugu soilik kooperatiba bultzatzen baita
akziokako partehartzea ere. Hala ere, gaur indarrean dugun legeak ez du figura honen
erabilera onartzen. Guk ‘autogestioa’ bultzatzen dugu, eta autogestiorako ez da
138 Mistoak dira Brasilen jarduera bat baino gehiago burutzen dituzten kooperatibak.
194