62377

II. ATALA:
6. 4/93 LEGEAREN ETA 5.764/71 LEGEAREN ARTEKO ALDERAKETA
egin edo ez egin. Bere esanetan kooperatibak gainerako enpresek dituzten arauetara egokitu
beharra daukate.
Reitor-ek ANTEAG-etik honela adierazi digu:
‘ Guk ANTEAG-n ez dugu OCB-ren ordezkaritza aitortzen. Hala ere, gaur badaude
presio bideak OCB-n bazkidetza egitera bultzatzeko. Sarritan kooperatibek Junta
Komertzialetara jotzen dutenean ez zaie erregistroa onartzen eta kooperatibak bizi
izaten du nolabaiteko presioa OCB-n bazkidetza egiteko. Legeak eskatzen du
erregistroa baina, ez du eskatzen bazkidetza.
Cooperyeans-en kasua daukagu adibide gisa. Hauek esan zuten erregistroa egina
zeukatela baina ez zutela inon bazkidetza egiteko beharrik ikusten. Erregistroa eta
bazkidetza bi gauza zirela.
Sarritan kooperatibak deitzen dute ANTEAG-era esanez paper bat heldu zaiela OCBrentzako
diru bat eskatuz. ‘ Contribución sindical’ deritzana. Kooperatibak induzituak
eta bideratuak izaten dira OCB-ra joan daitezen. Junta Komertzialak berak bideratzen
ditu OCB-ra behar duten laguntza han jasoko dutela aginduz. Guk hala ere, beharrak
eraginda joaten diren kooperatiben egoera ere ulertzen dugu. Esate baterako, gure
kooperatibak bizi duten egoeran beharra nabarmena da; itxiak izan diren enpresak dira
eta behin itxi ostean langileen esku geratu direnak. Langileak hartu dute enpresa eta
nahi dute gestioa eurak eramatea. Euren nahia enpresaren bidez lana eta ondorioz,
errenta lortzea da baina, ez dute gestioa aurrera eramateko beharrezkoa den
prestakuntzarik. Ulertzekoa da hauek laguntza nonbaiten bilatu nahi izatea. Ez badute
enpresaren beharrak aurrera eramateko laguntza eskainiko dien erakunde bat, normala
da OCB-ra jotzea’.
ANTEAG-ko aholkulariaren adierazpenetatik ondoriozta genezake sarritan nahiz eta nahi ez
izan, OCB-ra jotzea beharrezko izaten dela, erakundeak euren premia larriak asetzen laguntzen
dielako. OCB-k badu azpiegitura pertsonala eta material nahikoa kooperatibei aholkularitza
eskaintzeko eta zerbitzu horren trukean kooperatibak euren bazkidetza egitea lortzen dute.
Hona beraz, presiopean burututako bazkidetza.
UFDR-ko ikasleen ustez OCB-k ordezkatzen dituen kooperatibak ez dira egiazko kooperatibak.
Ez dituzte printzipio kooperatiboak betetzen. OCB ezin da izan MCC-ren ‘partzero’ edo
interlokutore. Gainera ez da kooperatiba guztiak bere baitan hartzen dituen egitura erreferente
bat. Badaude beste batzuk ere. CONCRAB adibidez, MST-ko kooperatiben bilgunea da, '
Confederación de Cooperativas de Reforma Agraria'. Konfederazio izaera dauka eta bertako
bazkide diren kooperatibei laguntza eta aholkularitza eskaintzea du helburu.
215