62377

II. ATALA:
6. 4/93 LEGEAREN ETA 5.764/71 LEGEAREN ARTEKO ALDERAKETA
bigarren erregistro mota honetara ekartzea komeni denik, azken batez, balore bereziekin baina,
enpresa jarduera aurrera eramatea dute helburu. Betekizun administratibo eta burukratikoak
erraztea eta kooperatiben eraketa eta kudeaketa errezago bat bultzatuko duen erregistro
egitura publiko bat behar da.
6.12.6. Ordezkaritza ofizialaren gainean
OCB-k Konstituzio Federalaren onartzearekin batera, bere funtzio historikoa betetzeari utzi
beharko liokeela uste dut. Brasilgo Konstituzioak elkartzeko askatasuna aldarrikatzen duen
unetik errealitate kooperatiboa osatu nahi dutenek nahi duten elkartetan edo inon ez elkartzeko
aukera daukate. Erregistro publiko baten beharra dago eta honekin batera OCB-k bete izan
dituen hainbat funtzio betetzeari uztea; legezko betebebarren kontrola egikaritzeari uzti beharko
lioke, 'polizia' funtzioak edo egitura publiko batek soilik bete ditzazkeen funtzioak direlako.
Bestalde, ordezkaritzari dagokionean ere soilik bere afiliatu edo bazkideen gaineko ordezkaritza
eramateko eskubidea gordeko luke.
6.12.7. Formaziorako laguntzen gainean
SESCOOP sistema auzitan dagoela kontutan izanda, irizpide objektiboz eta berdintasunez
kudeatua izango den formaziorako sistema bat beharrezkoa da Brasilen. Kooperatibak bere
osotasunean hartuz gestionatua izango den sistema bat. Gaur indartsuak diren ‘sasi
kooperatibak’ dira formaziorako aukera gehien duten kooperatibak, eta tamalez, ahulezia eta
behar egoera larrian daudenak berriz dira aukera gutxien dutenak. Irizpide objetibo ate
berdintasuna errespetatuz kudeatuko den hezkuntza sistema bat da beharrezkoa.
OCB-k kontrolatzen duen diru poltsa handia ez da heltzen kooperatiba guztietara eta ez dira
maila berean heltzen formazio aukerak, hau ekidingo duen sistema ezarri beharra dago.
6.12.8. Ondorioak ekonomia solidarioaren ikuspegitik
Honako atal honetan Ekonomia Solidarioaren ikuspegiari emango diot begiratua. Indarrean
dagoen legediak beraz ez du balio, krisi ekonomikoaren ondorioz sortu den Ekonomia
Solidarioko Kooperatibismoa gidatzeko eta arautzeko. Ekonomia Solidarioaren baitako
Kooperatibismoak helburu ditu autogestioa eta elkartasuna eta ez dator bat Kooperatinismo
enpresarialarekin zeinetan, helburua kideen irabazi ekonomikoen pilaketa den. Bestalde,
esparru publikoan interkooperazioari indarra emateko balio duten forma autogestionatu eta
elkartzezkoak bultzatzea ere helburu izango duen legedia behar da.
Laburtuz beraz, Ekonomia Solidarioaren irudia izango duen legedi kooperatibista lortzeko
erreforma sakon bat behar da. Eta erreformak ezin ditzake ahaztu 1988ko Konstituzio
226