62377

II. ATALA:
8. OCB EUSKAL INSTITUZIO KOOPERATIBOEN IKUSPEGITIK
Eusko Jaurlaritzak Lan Departamenduaren bidez, kooperatibismoaren gaineko ikerkuntza,
kurtsoak eta nazio eta nazioarte mailako ekitaldiak antolatzeko ematen dituen subentzioak
promozio esparruaren baitan kokatu behar dira.
1/82ak legeko kontzepzioa oinarri hartuaz, sustapen terminoak, Administraziotik
kooperatibismoa promozionatu eta babesteko ekintza oro hartzen ditu bere baitan.
Sustapenak, alderdi juridikoa eta ekonomikoa hartzen ditu bere baitan.
1/82 legeak Kontseiluari ematen dion kalifikazioa da ‘kooperatiben eta hauen organizazioen
promozio eta ordezkaritzarako organo gorena izatea da’. Euskal kooperatibismoaren
ordezkaritza instituzionalaren barnean kokatu behar da 234 . Hau ez da kooperatiben sektoreko
elementu esklusiboa, lan esparruan erabili izan den tresna da. Botere publikoen eta gainerako
agente sozialen aurrean presentzia soziala egikaritzeko beharretik eratorri da.
Euskadiko Kooperatiben Goren Kontseiluak nahiz eta legeak kooperatiben ordezkaritza izatea
aitortu, teknikoki ezin du ordezkaritza legitimorik izan. Hala ere, 1/82 legea indarrean egon zen
bitartean ordezkaritza eraman zuen. 1996ko ekainaren 18an Euskadiko Kooperatiben
Konfederazioaren sorrera gertatzen da eta beronek hartuko du ordezkaritza. Presentzia eta
ahots instituzionala izatea dakar horrek berarekin. Kooperatibismoaren gaineko politikak
definitzerako orduan, presio eta negoziazio gaitasuna izatea, lirateke ordezkaritzak bere gain
hartuko lituzkeen funtzioak. Hastapenetan kontraesan bat dagoela esan daiteke. Argitasuna
falta da eta erredakzioa ere ez da oso zehatza. Argitasun falta zuzentzera dator 4/93 Legea.
234 Badira beste bi egitura pareko gurean. Lan Harremanen Kontseilua (CRL/LHK) bata; Euskal Autonomia
Erkidegoaren erakunde publikoa da. Sindikatu eta enpresari konfederazioen arteko elkarrizketa eta
topaketa gunea da eta Eusko Jaurlaritzaren eta Legebiltzarraren gai soziolaboraletarako kontsulta
organoa da. Kontseiluaren kideak aipatutako erakundeek aukeratzen dituzte praitarioki. Eta bestea,
Euskadiko Ekonomia eta Gizarte Arazoetarako Batzordea Jaurlaritzaren eta Legebiltzarraren
aholkularitza-erakundea da, eta bere helburua hainbat ekonomia eta gizarte-arduradunek Euskal Herriko
politika ekonomikoan parte hartzea da. Batzordeak berezko nortasun juridikoa du, EAEko Administrazioak
duena ez bezalakoa, eta erabateko gaitasuna eta askatasuna ditu bere zereginak betetzeko.
319