62377

II. ATALA:
8. OCB EUSKAL INSTITUZIO KOOPERATIBOEN IKUSPEGITIK
Euskadiko Kooperatiben Konfederazioaren ideia 4/93 Legearen onarpena baino apur bat
lehenago hasten da jorratzen. Konfederazioa sortzeko kezka Kontseiluaren baitan sortzen den
arren, garbi dute Federazioak izan behar dutela erantzukizun hau bere gain hartu beharra
daukatenak.
Aurrez esan berri dugu Kontseiluaren izaera kritigarria dela hainbat alderditik begiratuta eta
ikuspegi kooperatibotik begiratuta hutsunez josita dator. F. Vicent Chuliak Kontseiluaren
izaeraren gainean honakoa esan zuen 240 : ‘ Kontseiluaren baitan nahastu ezin diren alderdiak
batzen dira; errepresentazio alderdia, errebindikazio alderdia eta aholkularitza eta arbitraia
alderdia’. Kritikagarriak diren alderdiak izan arren, euskal kooperatibismoak asko zor dio
Kontseiluari. Kooperatibismoaren izen ona zabaltzen egin duen lanagatik batetik eta
mugimendu kooperatiboaren interlokuzioa eramaten egindako lanagatik bestetik.
Indarrak eta sinergiak batzeko, mundu mailan ematen ari den joera da elkartzearena.
Elkarlaguntzak indartu egiten du erronka potoloak dituen mugimendua. Manchesterren 1995ean
onartu zen Nazioarteko Aliantza Kooperatiboaren Adierazpenak hainbat alderdi azpimarratu
zituen: pertsonak gaitzearen garrantzia, kooperatiben eraginkortasuna, gazteen heziketa eta
bereziki, esparru lokaleko kooperatiba begira ‘sistema handiago bateko parte direla frogatzeko
daukaten obligazioa eta abantaila’.
Aipatu Adierazpenak kooperatibak euren erakunde eta jarduerak indartzera deitzen ditu. Erreza
da kooperatiba partikularren kezkei begiratzea baina, zaila suertatzen da elkartasunean eta
kooperatiben arteko lankidetzen oinarria duen kausa orokorrago baten gaineko kezka izatea.
Bestalde beharrezkotzat jotzen du ‘ gobernuekin hitz egiteko edo publikoari kooperatibismoa
aurkezteko kooperatiba desbedinak batzea’. Laburtuz, berebiziko garrantzia dauka indarrak
bildu eta erronkei aurre egiteko kooperatibak biltzea.
240 Evolución de la Figura del Consejo Superior de Cooperativas en la Legislación Cooperativa Española:
Aproximación al Estudio del Consejo Superior de Cooperativas de Euskadi (Parte II: desde 1938). Dr.
Pablo Buitron Andrade. Instituto de Estudios Cooperativos Universidad de Deusto.
335