62377

II. ATALA:
8. OCB EUSKAL INSTITUZIO KOOPERATIBOEN IKUSPEGITIK
NAK-ak bere kideei aitortzen dien independentzia eta errespetua, printzipio kooperatiboen
mugen barnean kokatzen dira. Eta nahiz eta kideekiko errespetua mantendu, Aliantzak euren
gobernuekiko independentzia mantendu dezaten eskatzen die. Kooperatiben neutraltasuna eta
kokatuta dauden Estatuekiko independentzia azaltzen dira hemen eta gaur indarrean dagoen
laugarren printzipiora gerturatzen gara.
Ildo honetan doaz Pragako Kongresuan lehendakaria zen Lord Rusholmanen adierazpenak
ere 204 . Kooperatibak eta hauen erakunde ekonomikoak Estatuarekin menpekotasuna izateak
asko mugatzen du hauen militante izaera.
Eskakizun hau NAK kooperatibaren definizio eta onarpenerako baldintzetan sartzen da.
Aliantzaren izaera unibertsalak munduko kooperatiba guztiengana zabaltzeko helburua
ezartzen du baina, helburua lortzera bidean kanpo lagatzen dituzte Estatu eta gobernu baten
interes ekonomiko eta politiko zehatzen zerbitzura dauden kooperatibak. Gurera etorriz OCBren
sorrera kokatu dugunean oso argi geratu da zein une historikotan eta zein helbururekin
sortzen den. Nola da posible beraz NAK-aren parte izatea?
Arazo hau areagotu egingo da Errusiar Iraultzaren ondoren, autoritate sobietarrak,
kooperatibak, alderdi boltxebikearen tresna bihurtzen dituenean. Aliantzak kooperatiben
erabileraren kontra jarrera tinkoa erakutsiko du eta errusiar mugimendu kooperatiboko kide
izatea soilik onartuko die kooperatibismo demokratiko eta aske baten aldeko mandatua hartzen
dutenei. Jarrera neutral honek, eragingo du, eskuin zein ezkerrekoak diren erregimen
totalitariotako kooperatiben kanporatzea.
Auzi honekiko NAK-aren jokaera erratikoa izan dela esan genezake. Kooperatiba sobietarrei
kide izaten lagatzen zien bitartean, Europa Ekialdeko beste herrialde batzutako kooperatibei
galerazi egiten zien kidetza. Erakundearenganako kritikak areagotu egingo dira, Hirugarren
Munduko Herrialdetako kooperatibei sarbidea onartzen zaienean. Uste dute, herrialde hauetako
kooperatibek euren gobernuekiko daukaten menpekotasun harremanak eragotzi beharko
204 ‘La completa sujeción de los cooperativistas y sus instituciones económicas al Estado, les despoja de
su potencial estatus como militantes en la causa de la paz mundial’.
287