62377

I. ATALA: 1. SARRERA
Enpresa bideragarriak izanik, balio sozialak ere bere baitan dituzte. Beste kontu bat da, balio
edo alderdi soziala zenbateraino zaindu den edo ez
Bigarren taldeko kooperatibak, OCB- Organizaçao das Cooperativas Brasileiras egituraren
baitan mugitzen diren kooperatibak dira. OCB izan da eta da, oraindik, Brasilgo kooperatibismo
ofiziala ordeztu eta kudeatzen duen egitura. Diktadura garaian eta helburu zehatz batekin
sortutako egitura dugu, eta gaur oraindik, Brasilen, kooperatiben gaineko eskuduntza eta
funtzioak egikaritzen ditu.
Enpresa bideragarritasuna baino haratagoko helburuak dituen bigarren taldea, 80.ko
hamarkadan sortzen den Ekonomia Solidarioarena dugu. Ekonomia Solidarioa, Kooperatibismo
popularra edo beste deitura batzuekin ere izendatzen da, eta perfil berri batetik eraikitzen ari
den kooperatibismoa da. Talde askok osatzen duen errealitate hau definitzerako orduan esan
genezake, ezaugarri komunak dituen errealitate anitza dela. Ez da talde homogeneo bat eta
oraindik ere bere egituratzea ematen ari da; Brasilgo errealitate kooperatiboan gero eta pisu
gehiago dauka.
Aipatu berri ditugun bi talde hauen artean badira diferentzia nabarmenak; bat aipatzearren,
OCB-k ordezkatzen duen kooperatibismo tradizionala, kooperatinismo enpresariala izan da;
merkataritza enpresa handien zerbitzuan egon den kooperatibismoa. Autogestio maila ahula
izan duena 2 . Sortzen ari den kooperatibismo berriak dituen helburuen artean dago langileen
autogestio maila areagotzea. Hau litzake beraz, Brasilgo kooperatibismoak duen erronka
nagusietako bat eta bi kooperatibismoak bereizi dituen ezaugarrietako bat.
AKE-ko esperientziatik abiatuz egingo diogu Brasilgo errealitate kooperatiboari azterketa. Bi
izango dira aztergai izango ditugun objektuak; bata, 5.764/71 Kooperatiba Legea eta bestea
berriz, OCB-ren ordezkaritza instituzionalaren legalitatea. Euskal Herriko egituratze
kooperatiboa hartuko dugu oinarrian eta hemengo saretik begiratuta aztertuko ditugu OCB-ren
izaera eta funtzioak.
Bestalde, oso gainetik bada ere, errealitate kooperatiboa baldintzatzen duen kooperatiben
erabilera aipatuko dugu. Orain arteko ibilbidean kooperatibak markatu dituen beste elementua,
2
Kooperatibismo tradizionalak, kooperatiba formula, eskulan merkea hornitzeko erabili izan du eta
erabiltzen du. Bazkide gutxiko eta soldatapeko langilez osatutako kooperatibak izan dira.
12