62377

II. ATALA:
6. 4/93 LEGEAREN ETA 5.764/71 LEGEAREN ARTEKO ALDERAKETA
Autorearen esanetan, ADIN tramitatzen doan neurrian eta agian, prebentzio neurri moduan,
OCB eta beste estatu erakundeak, kooperatibetako sindikatuak sortuko dituzte (nazionalak eta
estatukoak) eta eskuduntza izango dute sistema kooperatibista ordezkatzeko. Bere ustez, OCB
eta OCES egiturak sindikatu nazional zein estatuko izaera hartzeak ez du lege babesik.
Kooperatibak era kolektibo batean ikusita, jarduera ekonomiko bat burutzen dute, Lei
5.764/71ko 3 eta 4 artikulutan ezarritakoaren arabera. Jarduera ekonomiko komun honek bere
baitan hartzen du kooperatibak bere bazkideei zerbitzuak eskaintzeko aukera, eta honela bide
emanaz bazkideei, irabazi asmorik gabe, guztien onurarako izango den jarduera ekonomikoa
burutzeko.
Egitura kooperatiboaren ezaugarri hauek ez die aukerarik eskaintzen kategoria ekonomiko
bakar moduan taldekatuak izateko eta beraz, kooperatibei ez die aukerarik eskaintzen
sailkapen sindikalen baten sartzeko.
Consolidaçao das Leis do Trabalho- CLT 570 eta ondorengo artikulutan dioenaren arabera
sindikatuak kategoria ekonomiko bakarra ordezkatu behar dute. Eta ez da hau gertatzen
kooperatiben kasuan, hauek kategoria ekonomiko anitz baitituzte bere baitan.
5.764/71 legeak bere 10 artikuluak egiten duen sailkapena kooperatibak burutzen duen
jarduera edo objektu ekonomikoaren araberakoa da. Kooperatibak sailkatzen dira bazkideen
edo kooperatiba beraren jarduera kontutan hartuta. Ondorioz, sindikatu batek, ezin du modu
indiskriminatu batean lurralde esparru batean dauden kooperatibak ordezkatu, ez dagoelako
objektu ekonomikoen arteko identitaterik eta honek sindikatuen antolaketa irizpideen aurka
egiten du zuzen zuzenean. Kooperatiben objektu ekonomikoak anitzak dira eta ezin dira bildu
ordezkaritza beharrei erantzuteko. Interes ekonomikoak desberdinak dira eta ez dira
sindikatuen esparruan sartzen.
Esan ditugun arrazoiengatik OCB eta bere estatuko erakundeak Lan Ministerioak debekatu edo
eragotzi ahal izango ditu. Reginaldoren ustez, konponbidea kooperatibentzat bereziak diren
sindikatuak sortzea litzateke. Sindikatuak antolatu ahal izango litzateke kooperatiben objektu
ekonomikoa eta lurralde esparrua kontutan harturik. Badira dagoeneko honelako adibideak: Lan
Elkartuko Kooperatibetako sindikatuak eta Osasun Asistentzia Sindikatuak. Kasu hauetan
bazkideak kolektiboki ordezkatzeko legitimitatea dago.
Laburtuz;
- Kooperatiben Nazio Kontseiluan, sistema kooperatibista ordezkatzeko Lei 5.764/71
OCB-ri aitortutako eskuduntza, Konstituzio Federalaren onarpenarekin bertan behera
geratu zen. CNC izateari utzi zion eta ondorioz baita Legeko 145 artikuluak eta
gainerakoak.
221