62377

II. ATALA:
8. OCB EUSKAL INSTITUZIO KOOPERATIBOEN IKUSPEGITIK
Esperientziak paraleloki baduela bere antolaketa propioa. Bere antolaketa propioa izan arren,
partehartze aktiboa dauka baita orain aipatzera goazen egituretan ere. Euskadiko Kooperatiben
Erregistroa (EKE), Euskadiko Kooperatiben Goren Kontseilua (EKGK) eta Euskadiko
Kooperatiben Konfederazioa (EKK) dira aztertuko ditugun egiturak. Ondorengo lerrootan egitura
bakoitzak betetzen dituen funtzioak zein diren azalduko dugu:
8.5.1. Euskadiko Kooperatiben Erregistroa
1994ko maiatzaren 24an onartu zen 189/1994 Euskadiko Kooperatiben Erregistroa antolatzen
duen Dekretua. Dekretu hau erregistroa antolatzera eta 4/1993 Euskadiko Kooperatiben Legera
egokitzera etorri zen. Aldaketa honekin erregistro sistema indartu zen eta bide batez,
kooperatibak mugitzen ziren enpresa trafikoari segurtasun juridikoa gehitu zitzaion. Esan
duguna lortzeko bi oinarri ezarri ziren: batetik, Euskadiko Kooperatiben Erregistroa
kooperatibentzako erregistro juridiko publiko bakar gisa definitu zen eta bestetik, Euskal
Autonomia Erkidegoko egitura administratiboan kokatu zen, Eusko Jaurlaritzako Lan eta
Gizarte Segurtasun Sailean hain zuzen ere (gaur, Justizia, Lan eta Gizarte Segurantza zaila).
Erregistroa sortu zenetik pasatako urteak irakasten dute enpresa trafikoaren segurtasuna
lortzeko beharrezko tresna bilakatu dela erregistroa. Kooperatibek beharrezko duten publizitate
material eta formala aurrera eramateko beharrezko duten tresna arin eta dinamikoa da orain
erregistroa.
Erregistroaren balio eta eraginkortasuna frogatuta daude eta ondorioz, gaur, kooperatibak
beharrezko duten segurtasuna lortu dute.
Jarduera irizpide batzuk ezarri dira bestalde eta honek ahalbidetu egiten du Kooperatiben
Erregistroak bere eskuduntza juridikoak betetzeaz gain, kooperatiben sustapenerako tresna
aktibo bihurtzea; besteak beste, erkidegoko gainerako erakunde publikoekin elkarlanean arituz.
Helburuekin amaitzeko esan behar da, ezarri diren irizpideak helburu dutela kooperatiben
ekintzak azkarrago inskribatzea eta ondorioz, kooperatiben eraketa bera ere laguntzea.
Euskadiko Kooperatiben Erregistroa, OCB ez bezala, Eusko Jaurlaritza Justizia, Lan eta
Gizarte Segurantza Saileko Gizarte Ekonomia Zuzendaritzan kokatzen da. Honek esanahi du
egitura publikoa dela eta ondorioz, funtzio publikoak betetzeko eskuduntza daukala.
Organikoki izaera unitarioa dauka Erregistroak baina, hala ere, zentraltasuna apurtzeko eta
arintasuna lortzeko herrialde desberdinetan egoitzak daude.
Dekretuaren 2 artikuluan objektua zehazten da. Erregistroaren eskuduntza lehenengo, bigarren
eta goragoko mailako kooperatibetara; Talde kooperatibotara; Korporazio kooperatibotara;
306