62377

II. ATALA:
6. 4/93 LEGEAREN ETA 5.764/71 LEGEAREN ARTEKO ALDERAKETA
BKL legeak honako sailkapena egiten du:
‘Singularrak’: gutxienez 20 kidek osatutako kooperatibak dira. Salbuespen egoeratan pertsona
juridikoen partizipazioa onartuko da, beti ere, pertsona fisikoen jarduera berdinak badituzte eta
irabazi asmorik gabekoak badira. Kooperatiba singularrak bazkideei zerbitzuak zuzenean
eskaintzen dizkiete.
Kooperatiba ‘zentralak edo federazioak ’, gutxienez hiru kooperatiba singularrez osatuta egongo
dira. Mota berekoak ala desberdinak izan daitezke. Hauek batez ere, bazkide diren
kooperatibentzako laguntza teknikoa koordinatzen dute. Normalean kooperatiben interes
komuneko zerbitzuak eskaintzeko dago baimenduta kooperatiba zentralak sortzea.
Kooperatiben ‘konfederazioak’, gutxienez hiru federazio edo kooperatiba zentralek osatuta.
Mota berekoak ala desberdinak izan daitezke. Kooperatiba filialen jarduerak orientatu eta
koordinatuko dituzte, beti ere, zentralen edo federazioen esparrua gainditzen denean.
Badago kooperatibak sailkatzeko beste aukera bat ere. Kooperatibak duten objektuaren
arabera edo burutzen dituzten operazioen arabera ere sailkatu daitezke. Kasu honetan
kooperatibak objektu bat baino gehiago burutzen dituztenean, kooperatiba mistoak direla
esango da. EKL-n ‘bitariko’ edo misto deitzen dira kooperatibaren zati bat (%49 gehienez)
akzioka osatuta dagoenean.
Erantzukizunari dagokionez ere bi motatako kooperatibak daude. Erantzukizuna mugatua duten
kooperatibak; ezarritako kapitalera mugatutako erantzukizuna. Erantzukizun mugagabea duten
kooperatibak; bazkideen erantzukizuna pertsonala, solidarioa eta muga gabekoa denean.
EKL hasten da 98 artikuluan kooperatiba motak sailkatzen. Oso desberdina da bi legeek duten
kooperatibak sailkatzeko modua. Gurean sailkapenak mota bakoitza oso ongi definitzeaz gain,
bakoitzaren berezitasunak jasotzen ditu. Jarduera edo objektuaren araberako sailkapena egiten
du eta honen arabera jasotzen dira: lan elkartuko kooperatibak, kontsumo kooperatibak,
irakaskuntza kooperatibak, nekazaritza kooperatibak, ustiapen komunitarioko kooperatibak,
etxebizitza kooperatibak, finantza kooperatibak, osasun kooperatibak, zerbitzu kooperatibak,
eta integrazio sozialerako kooperatibak. Sailkapena ez da itxia eta posible da kooperatiba mota
berriak sortzea ere.
Ondoren beste sailkapen bat egiten du legeak, baina hau maila desberdinetan oinarrituta
batetik, eta bestetik, bestelako egitura kooperatiboak jasoaz; bigarren mailako kooperatibak,
enpresa agrupazioak, korporazio kooperatiboak, talde kooperatiboak, …
190