62377

II. ATALA:
8. OCB EUSKAL INSTITUZIO KOOPERATIBOEN IKUSPEGITIK
8.5.2. Euskadiko Kooperatiben Goren Kontseilua
8.5.2.1. Sarrera
Euskadiko Kooperatiben Goren Kontseilua da OCB-rekin antzekotasun gehien daukan euskal
egitura, hori dela eta, figura honen azterketa ahalik eta zehatzena egiten ahaleginduko gera.
Ibilibide historikoa zein izan den aztertuko dugu baina, batez ere, bere izaera eta funtziotan
oinarrituko gera.
8.5.2.2. Ibilbide historikoa
Pablo Buitron Andrade irakaslea da Kooperatiben Goren Kontseiluaren sorrera eta garapena
aztertu duen irakaslea eta ondorengo lerroak bere tesian oinarritukoak dira 229 .
Frankoren diktadura garaira joango gara hastapenak aztertzeko. Garai hartan sektore
kooperatiboak eta kooperatibistak oro har, autoritatearen begiratu zorrotza jasoko dute.
Zalantza asko sortzen zituen mugimendua zen eta ondorioz, Erregimenaren aurkako edozein
mugimenduk bezala, jarraipen zorrotza izango du 230 . Antolamendu Sindikala eta honen barnean
Lankidetzarako Obra Sindikala erregulazio kooperatiboaren buru eta ardatz izango da eta
mugimendu kooperatiboa, kontrol politikoaren menpe jarriko dute, beronen autonomia eta
independentzia printzipioen kontra eginaz.
Espainiar kooperatibismoarentzako urte luze eta gogorrak izango dira. Jarduera kooperatiboak
gobernuaren neutralizatzea biziko du.
Gerra Zibila amaitu aurretik, 1938an - izaera iragankorrarekin- iraupen laburra izango duen
Kooperatiba Lege bat onartzen da. 1940ko urtarrilaren 26an onartuko den Batasun Sindikaleko
Legearen onarpenarekin aurreko legea bertan behera geratuko da. Abenduaren 6an,
229 ‘Evolución de la Figura del Consejo Superior de Cooperativas en la Legislación Cooperativa Española:
Aproximación al Estudio del Consejo Superior de Cooperativas de Euskadi (Parte II: desde 1938). Dr.
Pablo Buitron Andrade. Instituto de Estudios Cooperativos Universidad de Deusto.
230 OCB-ren egoera oso bestelakoa zen. OCB sortzen da hain zuzen ere errejimenaren bultzadaz.
310