62377

II. ATALA:
6. 4/93 LEGEAREN ETA 5.764/71 LEGEAREN ARTEKO ALDERAKETA
ezartzeko. Honen ondorioz, gutxieneko kapitala galdatzea eragozpen bat da Ekonomia
Solidarioaren baitan kooperatibak sortzeko.
MCC-ko delegatuaren esanetan ere, legeak ez luke gutxieneko kapitalik eskatu beharko.
Kooperatibak ere gainerako sozietate juridikoen trataera juridiko bera izan behar dute eta
Brasilen bestelako sozietate motei gutxieneko kapitalik eskatzen ez zaienez kooperatibei ere
ez. Hala ere, berak dio kapitalik gabe eratzen diren kooperatibek nekez egiten dutela aurrera.
Gauza bat da legearen galdapena ez egotea eta bestea kapitalik gabe sortutako kooperatibak
bideragarri izatea.
Kapitalaren inguruan azalpen luze eta garatuena Reitorrek, ANTEAGeko aholkulari juridikoak
eskaini zigun eta hona hitzez hitz bere berbak:
‘Kapitalaren gaia ez da ongi ulertu izan orokorrean. Kooperatibak eratzeko ez da
eskatzen gutxieneko kapital sozialik, beste arrazoi batzuen artean kooperatibak izaera
zibila dutelako. Kooperatiba pertsona sozietate bat da eta ez kapital sozietate bat.
Kapitalik gabe eratzen diren kooperatibetan bazkideen erantzukizuna mugagabea da.
Erantzukizun mugagabea izango dute eta kooperatibako zorren aurrean erantzun
beharko dute euren ondarearekin. Erantzukizuna mugatua izango da kooperatibak
kapital soziala duenean. Kapital soziala dagoenean egongo da jarduera ekonomikoa.
‘Kooperatiba pertsonen sozietatea den neurrian eta ez kapital sozietatea, legediak
konzibidetzen du kooperatiba bazkideei zerbitzua eta asistentzia eskaintzeko tresna
moduan eta ez merkatuan jarduera ekonomikoa egikaritzeko bide moduan. Askok ez
dute argi kooperatiba kontzeptua eta uste dute jarduera ekonomikoa bazkideen
zerbitzura beharrean, kooperatibaren zerbitzura dagoela. Nahasmen honen adierazle
dira sortu diren hainbat figura edo elementu nahasgarri. Jarduera, kooperatibak
darama baina, bazkideen zerbitzura beti ere. Finantza baliabideak ez dira
kooperatibarenak baizik eta bazkideenak, ondorioz jardueraren ondorioz lortzen den
ondarea ere ez da kooperatibarena baizik eta bazkidearena ’.
Bazkideen jarduerak eragin dituen irabaziak bazkide beraienak dira eta kuota parteen bidez
daude ordezkatuta. Brasilgo kontabilitate araua oso konplexua da. Sarritan gertatu izan da
bazkideen jardueraren bidez sortutako inbertsioak ez direla behar bezala kontabilizatu, eta
honek gatazka sortu du. Emaitzak ez ziren behar zen moduan kontabilizatzen. Inbertsioak
bazkide bakoitzaren kuota partetan egon behar ziren ordezkatuta eta kontabilizatuta. Hau da
argi izan behar dena beraz: kapitala egon behar dela kuota partetan ordezkatuta eta hauek
bazkidearenak direla. Ondorioz, kooperatibaren kapitalak kuota parteen bidez amaitzen du
bazkidearena izaten.
158